Jambyl oblysynda sýpermarkettiń jarnamasyn túsirý kezinde blogerdiń agressıvti áreketi oǵan 10 táýlikke ákimshilik qamaýǵa alynýmen aıaqtaldy, dep habarlaıdy Egemen.kz.
Polısııa qyzmetkerleri jarnama túsirý kezinde qoǵamdyq tártipti óreskel buzǵan blogerdi anyqtap, jaýapkershilikke tartty. Ol kópshiliktiń nazaryn aýdarý maqsatynda avtokóliktiń aldyńǵy áınegin syndyrǵanyn qoıyp, jolaýshy qyzben daýys kóterip sóılesken. Mundaı áreket aınalasyndaǵy adamdardyń qorqynyshyn týdyrýy múmkin edi.
Atalǵan fakt boıynsha bloger «usaq buzaqylyq» baby boıynsha jaýapkershilikke tartylyp, 10 táýlikke ákimshilik qamaýǵa alyndy.
Quqyq qorǵaý organdary azamattardy qoǵamdyq oryndarda tártip pen quqyqtyq normalardy saqtaýǵa, ózgelerge qolaısyzdyq týdyrmaýǵa jáne zań talaptaryn buzbaýǵa shaqyrady.