«Kohlearly ımplanttaý – eki qulaǵy birdeı estimeıtin balalardyń estý qabiletin qalpyna keltirýdi kózdeıtin joǵary tehnologııalyq ota. Mindetti áleýmettik medısınalyq saqtandyrý (MÁMS) júıesiniń arqasynda mundaı qymbat ári kúrdeli operasııalar Almatyda tegin jasalyp jatyr, dep habarlaıdy Egemen.kz.
2025 jyly Almaty qalasynda kohlearly ımplant ornatý operasııalaryna 2,3 mlrd teńge jumsaý qarastyrylǵan. Bıylǵy alǵashqy 5 aıda qulaq múkisimen týǵan balalarǵa MÁMS sheńberinde osyndaı 36 qymbat ota jasalsa, oǵan Medısınalyq saqtandyrý qory 283 mln teńgeden astam qarjy tólep otyr. Medısınalyq saqtandyrý qory Almaty qalalyq fılıalynyń baspasóz qyzmeti habarlaǵandaı, 2024 jyly kómektiń bul túri 277 balaǵa kórsetilip, oǵan jalpy 2,1 mlrd teńge tólengen. Árbir otanyń quny orta eseppen 8 mln teńgege jetip jyǵylady.
Mundaı operasııany kimder jasata alady?
«Bul em-shara IV dárejeli eki jaqty kereńdikke shaldyqqan, estý apparattarynyń kómegi tımeıtin balalarǵa jasalady. Dıagnoz asqyndyrmaı anyqtalyp, ota barynsha erte jasalsa balanyń tolyqqandy sóılep, áleýmettik ortamen aralasyp ketý múmkindigi de joǵarylaı túsedi», deıdi mamandar.
Anar men Aılınniń oqıǵasy
Mysaly, Anar atty kelinshek pen qyzy Aılınniń basynan keshken oqıǵa zamanaýı medısınanyń adam ómirin qanshalyqty ózgerte alatynynyń aıqyn dáleli. Aılınge dárigerler kereńdiktiń aýyr túri degen dıagnoz qoıyp, kohlearly ımplant ornatýdy usynǵan. Ota jasatyp, medısınalyq qyzmettiń barlyq deńgeılerinen ótý úshin bul otbasy Qaraǵandydan Almatyǵa qonys aýdarǵan eken. Ońtústik astanadaǵy №5 Qalalyq klınıkalyq aýrýhana dárigerleriniń kómegine júginip, portal arqyly salalyq klınıkaǵa jatqyzylǵan.
«Men áýelde osyndaı qymbat otany tegin jasatýǵa bolady degenge sene qoıǵan joqpyn. Qazir qyzymnyń qulaǵy estıdi, daýystasań qaraıdy, sóıleýdi de aqyryndap úırenip jatyr. Bul bizdiń otbasymyz úshin úlken baqyt», deıdi Anar.
Ota qaıda jasalady?
Qazirgi tańda Almaty qalasynda kohlearly ımplantty eki mekeme – №5 Qalalyq klınıkalyq aýrýhanasy men «S.Asfendııarov atyndaǵy QazaqUMÝ» KEAQ «Aqsaı» balalar ortalyǵynda ornata alady. Bul klınıkalardyń ekeýi de tıisti qondyrǵylarmen jabdyqtalyp, kardıohırýrgterden bastap, logoped, aýdıolog syndy mamandarmen qamtamasyz etilgen.
Operasııa jasatý úshin ne isteý kerek?
Aldymen emhanadaǵy ýchaskelik dárigerge nemese LOR mamannyń keńesine jazylý qajet. Ekinshiden, aýdıometrııa, KT, MRT syndy zertteýlerden ótip, sýrdolog mamannyń qorytyndysyn alý kerek. Úshinshiden, qujattardy tolyq jınap bolǵan soń emhana mamandary naýqasty «Aýrýhanaǵa jatqyzý bıýrosy» portalyna tirkeıdi. Aýrýhana dıagnozdy rastaǵannan keıin pasıent ózi tańdaǵan klınıkaǵa attanady. Dıagnostıkadan bastap medısınalyq ońaltýǵa deıingi aralyqtaǵy qyzmettiń barlyq túrleri MÁMS qarajaty esebinen tólenedi.
«Buryn múgedek degen atqa tańylyp, qatarynan qalyp qoıatyn balalardyń damyp, estip, sóılep, bala-baqsha men mektepke baryp júrgenin kórip júrmiz. Eń bastysy – ata-analar ýaqytty tekke ótkizip almaı, der kezinde joldama alsa bolǵany. Operasııadan keıin bala uzaq merzimdi ońaltýdan ótedi. Joǵarydaǵy klınıkalar da osy Almaty qalasynda ornalasqan», deıdi Almaty qalasynyń shtattan tys bas sýrdology Naılıa Tólepbekova.