QOSTANAI. 16 aqpan. Túmen oblysyndaǵy Iаlýtorovsk-Iаrkovo tas jolynyń boıynda sumdyq kórinistegi jol apatynan qostanaılyq úsh jolaýshy qaza tapqan. Bul týraly «Nasha gazeta» gazeti rusdtp.ru saıtyna silteme jasaı otyryp, habarlaǵan.
Negizi jol apatynan tórt adam qaza bolǵan. Iаlýtorovsk qalasyna qaraı kele jatqan reseılik Hyundai Solari» mashınasynyń 36 jastaǵy júrgizýshisi aldyndaǵy mashınany basyp ozamyn degende, qarsy jolǵa shyǵyp ketken. Sonyń saldarynan aldynda qarsy kele jatqan «Lada Prıora» mashınasyna qatty soqqymen soǵysqan. Soqqynyń qattylyǵy sondaı, qazaqstandyq «Ladany» joldyń shetine laqtyryp jibergen. Onyń ishindeg 52 jáne 55 jastaǵy eki er adam jáne Hyundai Solaris mashınasynyń júrgizýshisi sol jerde til tartpaı ketedi. «Ladanyń» 30 jasataǵy júrgizýshisi aýyr halde aýrýhanaǵa aparǵan jerde esin jımastan qaıtys bolady.
Túmen oblysy jol qozǵalysy memlekettik ınspeksııasy baspasóz qyzmetiniń málimetinshe, Hyundai Solaris mashınasynyń júrgizýshisi ótken jyly jyldamdyqty arttyrǵany, balalardy tasymaldaý erejesin buzǵany, qaýipsizdik remendi taqpaǵany úshin barlyǵy tórt ret jaýapkershilikke tartylǵan eken. Bul joly onyń remendi taqqany anyqtaldy, biraq qatty soqqydan ol úzilip ketken, júrgizýshi basynan qatty soqqy alyp, qaza tapqan.
Názıra Járimbetova.
Derek: ng.kz.
Sýret: rusdtp.ru.