Sherýbaı-Nura sý qoımasynyń jaǵalaýyndaǵy jańa jobalarǵa ınvestısııa salynyp jatyr. Endi maýsymdyq demalys aımaǵynan bastap jyl boıǵy jumys isteıtin demalys keshenderine deıin jańarady, dep habarlaıdy Egemen.kz.
Jalpy Sherýbaı-Nura sý qoımasynyń jaǵalaýyndaǵy Topar kentine Qaraǵandydan jáne seriktes qalalardan, kórshi aýdandardan demalýǵa adamdar kóp keledi. Búginde munda qonaq úıleri, basseınderi, balalar alańdary jáne túrli oıyn-saýyqtary bar 30-dan astam demalys aımaǵy bar. Jazda munda katamarandar, sý motosıklderi, batýttar, al qysta - qar kólikteri, balyq aýlaý, monsha qyzmeti bar. Demalys kúniniń mundaı formaty barǵan saıyn suranysqa ıe bolyp keledi.
– Toparǵa kelýshiler kún sanap ósip keledi. О́tken jazdyń ózinde demalýshylar sany 30 myńnan asty. Suranystyń artýyna baılanysty týrıstik ınfraqurylymǵa ınvestısııalar artýda, – deıdi Abaı aýdanynyń kásipkerlik jáne ónerkásip bóliminiń basshysy Darıjan Myrzahmetova.
Kottedjder, qonaq úı, meıramhana jáne monsha kesheni bar jańa demalys aımaǵyn salý boıynsha aýqymdy jobalar iske asyrylýda. Taǵy eki zamanaýı aımaqtyń jobalary ázirlenýde jáne qoldanystaǵy nysandar keńeıtiledi.Bul jerge týrısterdiń jaıly jetýine, jazda jáne qysta demalýy úshin qolaıly jaǵdaı jasalyp jatyr.
Qaraǵandy oblysy