26 maýsym kúni Astana ýaqytymen 06:48-de Qyrǵyzstan aýmaǵynda jer silkinisi boldy. Bul týraly Qazaqstannyń Ulttyq derekter ortalyǵy habarlady. Jerasty dúmpýiniń magnıtýdasy 4,2 ball, dep habarlaıdy Egemen.kz.
Eýropalyq-Jerorta teńizi seısmologııalyq ortalyǵynyń derekterine sáıkes, zilzalanyń epısentri Qytaıdyń Týmshýk qalasynan 215 shaqyrym batys-soltústik-batysqa qaraı jáne Qyrǵyzstannyń Naryn qalasynan 104 shaqyrym shyǵysqa qaraı ornalasqan.
Qyrǵyzstan Ulttyq ǵylym akademııasynyń Seısmologııa ınstıtýty bolsa, zilzala oshaǵy Jańy-Jer jotasynda, Naryn qalasynan 96 shaqyrym ońtústik-shyǵys baǵytta ornalasqanyn naqtylady.
Zardap shekkender men qıraǵan nysandar týraly málimet joq.