Májilis depýtaty Danabek Isabek jumys saparymen Shymkent qalasyndaǵy «Izetti zeınetker» mekemesine baryp, ortalyqtyń tynys-tirshiligimen tanysty. 2023 jyldyń 1 qarashasynda ashylǵan mekeme zeınet jasyndaǵy azamattarǵa qysqa merzimde demalý jáne em alý múmkindigin usynady.
«Amanat» partııasynyń saılaýaldy baǵdarlamasy negizinde qurylǵan ortalyq alǵashynda 70 orynǵa ǵana eseptelgen. Al qazir bir mezette 120 zeınetkerdi qabyldaýǵa qaýqarly. Ǵımarattyń jalpy aýmaǵy – 3 699,9 sharshy metr. Munda taza aýada serýendeýge arnalǵan aýla, kógaldandyrylǵan alańdar, oryndyqtar, sýburqaq jáne shaǵyn saıabaq qarastyrylǵan.
Sondaı-aq mekemede demalýshylar medısınalyq jáne áleýmettik qyzmetpen tolyq qamtylady. Ár zeınetker dáriger qabyldaýynan ótip, densaýlyǵyna qaraı arnaıy emdik sharalar qabyldaıdy. Máselen, fızıoterapııa, sýmen emdeý, elektrmagnıtti terapııa, dárilik shóp tunbalarymen emdeý, salamatty ómir saltyn ustanýǵa arnalǵan tańǵy emdik jattyǵýlar, arnaıy trenajer zaldary men tuzdy shahta.
Depýtat Danabek Isabek mekemeniń jumysymen jan-jaqty tanysqan soń, qyzmet sapasyna oń baǵasyn berdi. Qarııalarmen júzdesip, hal-jaǵdaıyn da surady.
«Bul – halqymyzdyń, ásirese qarttarymyzdyń salamatty ǵumyr keshýine yqpal etetin mańyzdy bastama. Qarııalarǵa jan-jaqty jaǵdaı jasalǵan mundaı ortalyqtar elimizdiń basqa óńirlerinde de úlgi bolarlyq», dedi D.Isabek.
О́z kezeginde demalýshylar ortalyqtyń qyzmetine rızashylyqtaryn bildirip, alǵystaryn jetkizdi.
«Munda barlyq jaǵdaı jasalǵan. Densaýlyǵyna shıpa izdegen biz sııaqty qarııalar úshin taptyrmas oryn. Osyndaı qamqorlyq úshin azamattarǵa alǵysymdy bildiremin», dedi ortalyqta demalyp jatqan Raısa Qalmaǵambetova.
«Izetti zeınetker» ortalyǵyna joldama alý úderisi tolyq sıfrlandyrylǵan. Zeınetkerler geo-shym.kz portaly arqyly elektrondyq sıfrlyq qoltańbamen tirkelip, onlaın ótinim bere alady. О́tinish bergennen keıin kezekti elektrondyq júıe arqyly baqylaýǵa múmkindik bar.
Al Pavlodar oblysyna jumys sapary aıasynda «Amanat» partııasynan saılanǵan Májilis depýtattary Nurjan Áshimbetov, Vera Kım jáne Jarqynbek Amantaı Qanysh Sátbaev atyndaǵy kanaldyń №2 sorǵy stansasyndaǵy elektrmehanıkalyq jabdyqty jańǵyrtý barysyn baqylady. 50 jyldan asa paıdalanylyp kelgen kanal jabdyqtary eskirgen. Búginde energetıkalyq jáne gıdromehanıkalyq jabdyqtardy jańǵyrtý aıasynda №1 sorǵy stansasynyń rekonstrýksııasy bastaldy. Sondaı-aq bıyl bes jańa sorǵy agregatyn jetkizý maqsatymen «Ýralgıdromash» aksıonerlik qoǵamymen kelisimshart jasalǵan. 2028 jylǵa deıin 19 gıdrojabdyqty aýystyrý josparlanyp otyr.
«Uzaq jyldar boıy sheshimin tappaı kele jatqan mańyzdy másele bar. Kanal jabdyqtarynyń 90 paıyzdan astamy tozǵan, keıbir sorǵy agregattaryn shuǵyl aýystyrý qajet. Mysaly, bıyl jáne kelesi jyly quny shamamen
11 mlrd teńge bolatyn bes sorǵy agregatyn aýystyrý josparlanǵan. Qarajattyń bir bóligi bólindi, alaıda bul jetkiliksiz. Taǵy 14 sorǵy úshin qosymsha qarjy qajet», dedi V.Kım.
N.Áshimbetov osyǵan deıin nysanda júrgizilgen jumys sapasyz bolǵanyn atap ótti. 2023 jyly №2 sorǵy stansasynda oryn alǵan iri apat jabdyqtardyń qatty tozǵanyn, shuǵyl jańǵyrtýdy qajet etetinin kórsetti. Depýtattardyń bastamasymen bul másele respýblıkalyq deńgeıde kóterildi. Búginde kanaldyń rekonstrýksııasyna bıýdjetten 12 mlrd teńgeden asa qarajat bólingen.
Depýtat J.Amantaıdyń aıtýynsha, kanaldyń sýy tek ónerkásip pen aýyl sharýashylyǵyn ǵana emes, sondaı-aq elordadaǵy sý tapshylyǵy máselesin sheshýge de yqpal ete alady. Májilis depýtattary jobanyń oryndalýyn jáne onyń turaqty qarjylandyrylýyn baqylaýda ustaıtynyn jetkizdi.