Germanııa men Danııa arasyndaǵy soltústik jaǵalaýda kún saıyn teńiz astyna batyp, qaıtadan paıda bolatyn hallıgı dep atalatyn araldar bar. Bul – tabıǵattyń tylsym yrǵaǵymen ómir súretin sırek mekender. Sol hallıgılerdiń biri – Nordshtrandıshmor araly.
Araldy materıkpen jalǵap turǵan erekshe temirjol bar. Joldyń uzyndyǵy nebári 3,5 shaqyrym. Ol ashyq teńiz ústine salynǵan. Kóterilmeli tolqyn kelgende joldy sý basyp, qatynas úziledi. Biraq sý qaıtqan soń, jol qaıtadan paıda bolady. Qyzyǵy, bul jolda adamdar óz vagonetkalarymen ǵana júredi. Olardy júrgizýge 15 jastan bastap ruqsat etiledi. Jergilikti turǵyndar úshin bul – kádimgi kúndelikti kólik.