Saýd Arabııada 20 jyl komada jatyp, "Uıqydaǵy hanzada" retinde tanylǵan Al-Valıd ıbn Haled ıbn Talıal Al Saýd oıanbastan 36 jasynda ómirden ótti, dep habarlaıdy Egemen.kz.
Onyń ákesi, hanzada Haled ıbn Talıal ıbn Abdýlazız áleýmettik jelidegi paraqshasynda sýyq habarmen bólisti.
Al-Valıd 2005 jyly Londonda oqyp júrgen kezinde jol apatyna túsip, mıyna qan quıylyp, komaǵa túsken bolatyn. Sodan beri ol Er-Rııadtaǵy korol Abdýlazız atyndaǵy medısınalyq ortalyqta jasandy tynys alý apparatynda, dárigerlerdiń baqylaýynda jatty.
Onyń ákesi ulynyń ómirin qoldaýshy apparattardan ajyratýǵa úzildi-kesildi qarsy boldy. Jyldar boıy Al-Valıdti emdeýge AQSh pen Ispanııadan kelgen sheteldik mamandar da atsalysty. Alaıda bul uzaq ári qajyrly em-dom nátıje bermedi. Hanzada birneshe jyl komada jatyp esin jımastan kóz jumdy.