Abaı atyndaǵy Qazaq ulttyq pedagogıkalyq ýnıversıtetinde jańa oqý jylyna daıyndyq aıasynda bilim alýshylardy jataqhanamen qamtamasyz etý maqsatynda «Ahýaldyq ortalyq» jumysy 7 shildeden bastalǵan bolatyn, dep jazady Egemen.kz.
Almaty qalasy, Qazybek bı kóshesi, 28 mekenjaıynda Qabyldaý komıssııasy janynan ashylǵan ortalyqta stýdentterdi jataqhanaǵa ornalastyrý kezeńinde týyndaıtyn máselelerdi jedel sheshý qarastyrylǵan. Ortalyqta jataqhanaǵa ornalastyrý úderisin ashyq, ádil jáne júıeli túrde uıymdastyrý, stýdentter men olardyń ata-analaryna keńes berý, qajetti aqparatpen qamtamasyz etý, áleýmettik osal toptaǵy stýdentterge basymdyq berý, daýly jaǵdaılardy retteý jáne keri baılanys ornatýǵa basymdyq berilgen.
2025–2026 oqý jylynda ýnıversıtet bakalavrıat baǵdarlamasy boıynsha oqıtyn 3545 bilim alýshyny jataqhanamen qamtamasyz etýdi josparlap otyr: ýnıversıtetke qarasty 5 jataqhanada – 1071 oryn, aqyly jaldamaly jataqhanalarda – 2474 oryn.
Ortalyq qazirgi ýaqytta óz qyzmetin birneshe baǵytta iske asyryp jatyr. Onlaın ótinimder qabyldaý júıeleri arqyly (Google Form, arnaıy portaldar); Qabyldaý komıssııasy men fakýltet dekanattarymen tyǵyz baılanys arqyly úılestirý; Tikeleı baılanys arnalary arqyly stýdenttermen keri baılanys ornatý (WhatsApp, Instagram, Telegram-bottar).
Al 1 tamyzdan bastap qyzmetkerler stýdentterdiń ótinishterin onlaın jáne oflaın formatta qabyldap, jedel qarastyratyn bolady.
Ortalyq jataqhanaǵa ádil jáne tıimdi ornalastyrýdy qamtamasyz etýge, sondaı-aq stýdentterdiń áleýmettik-turmystyq jaǵdaıyn jaqsartýǵa baǵyttalǵan mańyzdy qurylym.
Oqý jyly qarsańynda bilim alýshylarǵa qolaıly ári qaýipsiz orta qalyptastyrý – ýnıversıtet ujymynyń basty maqsattarynyń biri. Osy rette «Ahýaldyq ortalyqtyń» jumysy 5 qyrkúıekke deıin jalǵasatyn bolady.
Almaty