Qazir oblys mektepteriniń 13 %-da mektep dırektorlarynyń orny bos tur. Olardyń basym bóligi aýyldyq jáne shalǵaı eldi mekenderge tıesili, dep habarlaıdy Egemen.kz.
О́ńirlik bilim berý basqarmasynyń deregine súıensek, jergilikti orta bilim berý uıymdarynyń 5%-yn (18 basshy) zeınet jasyndaǵy dırektorlar basqaryp otyr. Al mektepter boıynsha 45 dırektordyń orny bos tur (barlyq mekteptiń 13%-y).
- Bos oryndardyń basym bóligi aýyldyq jáne shalǵaı eldi mekenderge tıesili. Bul jerlerde úmitkerler arasyndaǵy básekelestik deńgeıi tómen jáne bilikti kadrlardyń sany shekteýli. Mundaı jaǵdaı basshylardy ýaqtyly taǵaıyndaýdy qıyndatady jáne mamandardy irikteý men ornyqtyrý úshin qosymsha sharalardy qajet etedi,-dep habarlady bilim berý basqarmasynan.
Qazirgi ýaqytta dırektorlardy taǵaıyndaýǵa konkýrs ótkizý jumystary júrgizilip jatyr.
Budan bólek, bıyl 13 rezervıst oqytýdan ótýde. Kadrlyq rezervtiń qorytyndy kezeńi aıaqtalǵan soń olardy oblys bilim berý uıymdaryna taǵaıyndaý josparlanǵan. Al oblystyq kadrlyq rezervte 46 rezervıst bilim alýda.
- О́ńirde kadrlyq rezervti jańartý jáne súıemeldeý boıynsha keshendi jumystar júrgizilýde. Bul jumystardyń aıasynda oqytý semınarlary, keńes berý, tálimgerlik baǵdarlamalar jáne basqarýshylyq quzyretterdi baǵalaý sharalary uıymdastyrylýda. Atalǵan sharalar bilim berý júıesiniń turaqtylyǵyn qamtamasyz etýge, tıimdi basqarýshy korpýs qalyptastyrýǵa jáne Pavlodar oblysyndaǵy oqý úderisiniń sapasyn arttyrýǵa baǵyttalǵan,-dep qosty basqarmadan.
Pavlodar oblysy