Massachýsets tehnologııalyq ınstıtýtynyń enshiles kompanııasy «Tissium» medısınada buryn-sońdy bolmaǵan ádiske jol ashty.
Endi zaqymdanǵan perıferııalyq júıke talshyqtaryn tigissiz-aq qalpyna keltirýge bolady. «Coaptium Connect» dep atalatyn tehnologııa arnaıy «baǵdarlamalanatyn polımerlerdi» paıdalanady. Sondyqtan endi dárigerler júıke ushtaryn bir-birine jalǵap, tigip áýre bolmaıdy. Materıaldyń ózi olardy dál qosyp, bitisip ketýine múmkindik beredi. Klınıkalyq synaqtarda zaqymdalǵan nervter 100 paıyz qalpyna kelgen. FDA qazirdiń ózinde ony hırýrgııada paıdalanýǵa ruqsatyn berip otyr.