Ýkraına basshysy Vladımır Zelenskıı AQSh prezıdenti Donald Tramppen 18 tamyzda kezdesedi, dep habarlaıdy Egemen.kz.
Zelenskıı aldaǵy kezdesý týraly óziniń Telegram-kanalynda jazyp, shaqyrǵany úshin Trampqa alǵys bildirdi.
– Ýkraına taǵy da beıbitshilik jolynda barynsha ónimdi jumys isteýge daıyn ekenin rastaıdy. Prezıdent Tramp Reseı basshysymen bolǵan kezdesýin, áńgime barysynda kóterilgen negizgi máselelerdi maǵan jetkizdi. Amerıkanyń qýaty jaǵdaıdyń damýyna yqpal etetini mańyzdy, – dep jazdy ol.
Zelenskııdiń aıtýynsha, Kıev Tramptyń Ýkraına – AQSh – Reseı formatynda úshjaqty kezdesý ótkizý jónindegi usynysyn qoldaıdy.
– Ýkraına negizgi máselelerdi kóshbasshylar deńgeıinde talqylaýǵa bolatynyn atap ótedi, al úshjaqty format oǵan tolyq sáıkes keledi. Qastandyqtar men soǵysty toqtatý boıynsha barlyq egjeı-tegjeıli suraqtardy dúısenbi kúni Vashıngtonda prezıdent Tramppen talqylaýdy josparlap otyrmyn. Shaqyrtý úshin alǵys aıtamyn, – dedi Zelenskıı.