AQSh tek Reseıge ǵana emes, eger beıbit kelissózder sátsiz aıaqtalatyn bolsa, Ýkraınaǵa da sanksııalar men kedendik baj salyǵyn engizýi múmkin, dep habarlaıdy Egemen.kz NDTV-ge silteme jasap.
Bul týraly AQSh prezıdenti Donald Tramp Aq úıde ótken úkimet múshelerimen kezdesýde jýrnalısterdiń suraqtaryna jaýap berý kezinde málimdegen.
Tramp múmkin sanksııalardy engizýge asyqpaıtynyn atap ótken. Sebebi ol eń aldymen beıbit kelisimniń jasalǵanyn kórgisi keledi. Onyń aıtýynsha, qaqtyǵysty retteý úshin Reseı men Ýkraına kóshbasshylary kezdesýi qajet.
«Men qaqtyǵysty toqtatqym keledi, áıtpese álemdik ekonomıkalyq soǵys bastalady. Bul Reseı úshin de jaman bolady, al men muny qalamaımyn. Zelenskıı de minsiz emes, biraq tango bıleý úshin ekeý kerek. Olar kezdesýi tıis», dedi AQSh prezıdenti.
Tramp buǵan deıin de birneshe ret qaqtyǵystyń sozylýy qarapaıym amerıkalyqtar men ýkraındarǵa emes, tek bıýrokrattarǵa tıimdi ekenin atap ótken bolatyn.