2025 jyly 10 myńnan asa jasóspirim jeti sport túrinen chempıondyqqa talasady.
Memleket basshysy Qasym-Jomart Toqaev 8 qyrkúıektegi Qazaqstan halqyna Joldaýynda buqaralyq sportty damytýǵa aıryqsha mán berdi. Prezıdenttiń bastamalaryn únemi qoldaıtyn Tımýr Qulybaevtyń Halyk qory bıyl da aýyl balalaryna úlken sportqa jol ashatyn «AUYL SPORT» týrnırin ótkizedi. 11 qyrkúıek pen 12 qazan aralyǵynda ótetin II óńirlik «AUYL SPORT 2025» týrnıri Qyzylordanyń qumdy dalasynan bastalyp, elimizdiń barlyq óńirin aralap, myńdaǵan jas sportshyǵa shabyt syılaıdy.
Týrnır aýqymy
Bıyl dodada elimizdiń 17 aımaǵynan 10 myńǵa jýyq jasóspirim qatysady. 10-15 jas aralyǵyndaǵy sportshylar karate, boks, erkin kúres, shahmat, ústel tennısi, basketbol jáne voleıbol sekildi jeti sport túrinen 244 medal jıyntyǵyn sarapqa salady. Bul aýqymdy sharaǵa 100 kásibı tóreshi jumyldyryldy, sondaı-aq, jergilikti sport basqarmalary men akkredıttelgen federasııalar tolyq qoldaý kórsetip otyr.
Jarysqa elimizdiń ár aýylynan kelgen sport súıer jastary qatysyp, jeńiske talasady. 11 qyrkúıekten 12 qazanǵa deıin aımaqtyq kezeńder ótedi. Odan ótkender 3-6 qarashada Almatyda ótetin respýblıkalyq fınalda kezdesip, chempıon ataǵyn sarapqa salady.
Bıylǵy maqsat men jańalyqtar
Halyk qorynyń Atqarýshy dırektory Ǵalymbek Jaqsylyqov týrnırdiń basty maqsaty men bıylǵy josparlar jaıly pikir bildirdi.
"AUYL SPORT-tyń maqsaty – aýyl sportyna jańa serpin berý. Biz bul jobany bir rettik jarys emes, balalarǵa turaqty alańǵa aınaldyrýǵa tyrysamyz. Bıyl ústel tennısin engizip, aýyl mektepterinde kásibı daıyndyq jasaýǵa jaǵdaı jasadyq. Jattyqtyrýshylardy daıarlap, sport zaldaryn jańartyp jatyrmyz" – dedi ol.
2025 jyl joba úshin jańa belesterdiń jyly bolmaq. Bıyl AUYL SPORT baǵdarlamasyna ústel tennısi qosyldy. Qarapaıym qural-jabdyqpen shaǵyn mektepterde de jattyǵa alatyn bul sport túri aýyldar úshin eń qoljetimdi baǵyttardyń biri sanalady. Federasııamen birlesip, jańa jattyqtyrýshylar daıarlaý jáne ústel tennısi týrnırlerin ótkizý jumystary da bastalyp ketti.
Seriktestik jáne Akademııanyń úlesi
"AUYLSPORT" jobasyn iske asyrý aıasynda 2024 jyly Halyk qaıyrymdylyq qory men Qazaq sport jáne týrızm akademııasy arasynda ózara yntymaqtastyq týraly memorandýmǵa qol qoıylǵan edi. Memorandým aıasynda sportpen shuǵyldanatyn aýyl balalary men jasóspirimderiniń kásibı baǵdarlanýy, aýyldaǵy jattyqtyrýshylar men tóreshilerdiń biliktiligin arttyrý, sport jobalardy iske asyrýda ádistemelik qoldaý kórsetý sharalary júrgizilip jatyr.
Akademııada osy memorandým aıasyndaǵy josparlar talqylanǵan jıyn ótti. Shara barysynda oqý ornynyń oqý-sport bazasyn jańǵyrtý jumystarynyń nátıjesi retinde "№29 shyǵys jekpe-jegi" zaly jańadan jabdyqtalyp, oǵan "AUYLSPORT" shyǵys jekpe-jegi zaly degen ataýy berildi.
Akademııa basshylyǵy da memorandým aıasyndaǵy jumystyń baǵytyna toqtaldy.
"Maqsatymyz – aýyldan shyqqan balalardyń kásibı sportqa jol tabýyna kómektesý. AUYL SPORT arqyly aýyldaǵy daryndardy úlken arenaǵa shyǵarýǵa kúsh salyp jatyrmyz. Aýyl balalaryna osyndaı múmkindik berilýi – bárimiz úshin qýanysh. Bul bastama talaı daryndy jastyń jolyn ashyp, bolashaq chempıondardyń qalyptasýyna yqpal etedi. Jobanyń ǵumyry uzaq bolyp, elimizdiń túkpir-túkpirinen shyqqan jastardyń armany oryndalsyn dep tileımiz. Árbir jeńis – jańa armanǵa jol ashatyn jalyndy qadam", – dedi Akademııanyń oqý-ádistemelik isi jónindegi prorektory, professor Nurmuhanbetova Dınara Kenjeqyzy.
Akademııanyń boks, aýyr atletıka jáne shyǵys jekpe-jegi kafedrasynda 770 stýdent oqıdy. Onyń 350-den astamy shyǵys jekpe-jegi mamandyǵy boıynsha bilim alýda.
Jetistik tarıhy
"AUYL SPORT" jobasy – aýyl balalaryna sport arqyly úlken ómirge jol ashýdy maqsat etken Tımýr Qulybaevtyń bastamasy. Bul joba alǵash 2024 jyly bastalǵanda-aq aýyldaǵy myńdaǵan jasóspirimniń júregine úmit otyn jaqty. Bir jyldyń ishinde 200 aýyldyq eldimekennen 12 myńnan astam bala qatysqan alǵashqy maýsym naǵyz sport merekesine aınaldy. Almatyda ótken fınalda 1300 úzdik sportshy bas qosyp, el tarıhyndaǵy eń aýqymdy aýyl jastarynyń jarysyn jasady. Sportshylar tegin kıimmen, tasymalmen, turýmen qamtamasyz etilip, kásibı deńgeıde uıymdastyrylǵan týrnırdiń qatysýshysy retinde sezine aldy.
Jobanyń alǵashqy nátıjeleri kóp kúttirmedi. 2025 jyldyń kókteminde AUYL SPORT jeńimpazdary Qazaqstan quramasynyń sapynda Serbııada ótken ISF U-15 Gımnazıadasyna attandy. Kez kelgen eldiń armany sanalatyn bul dodada 22 qazaqstandyq jas sportshynyń 12-si – aýyl balalary boldy. Qazaqstan quramasy 11 medal jeńip alyp, el namysyn asqaqtatty. Onyń tórteýi aýyl sportshylarynyń enshisinde.
AUYL SPORT aýyl balalarynyń da álemdik arenada jeńiske jete alatynyn kórsetti. T.Qulybaevtyń Halyk qory olardyń armanyna jol ashýdy jalǵastyrady.