Aýǵanstan bıligi ýnıversıtetterde áıelder jazǵan kitaptardy paıdalanýǵa resmı túrde tyıym saldy. Bul týraly BBC óz derekkózderine súıenip habarlady, dep jazady Egemen.kz.
Basylymnyń málimetinshe, eldegi joǵary oqý oryndarynyń oqý baǵdarlamalarynan áıelderge tıesili eńbekter túgel alynyp tastalǵan. Buǵan qosa Talıban úkimeti «sharıǵat zańyna qaıshy» degen ýájben 18 pándi oqytýǵa shekteý qoıǵan. Endi aýǵan stýdentteri adam quqyqtary, jynystyq qýdalaý taqyryptary sııaqty pánderdi oqymaıdy.
Jalpy alǵanda, bılik 679 kitapty «sharıǵatqa qarsy» dep tanyǵan. Onyń ishinde 140 kitaptyń avtory – áıelder. Máselen, qarapaıym ǵylymı eńbek sanalatyn «Hımııalyq zerthanadaǵy qaýipsizdik» atty kitap ta áıel avtoryna baılanysty oqytylmaıtyndar qataryna qosylǵan.
Oqý baǵdarlamalaryn tekserý komıssııasynyń músheleri áıelder jazǵan kitaptarǵa tyıym salynǵanyn rastady. «Áıelder jazǵan barlyq kitaptarǵa tyıym salynǵan» dep túsindirgen Talıban ókili BBC-ge.