Aýyl sharýashylyǵy mınıstrligi ishki naryqtaǵy sıyr eti baǵasynyń ósýine qatysty túsinikteme berdi, dep jazady Egemen.kz.
Vedomstvonyń málimetinshe, 1 kg ettiń ortasha ózindik quny shamamen 2 800–3 100 teńgeni quraıdy. Kóterme saýdadaǵy 15% ústemeaqyny qosqanda, baǵa 3 400–3 500 teńge deńgeıinde qalyptasyp otyr.
Salystyrmaly túrde, kórshiles elderde sıyr eti áldeqaıda qymbat: О́zbekstan men Tájikstanda – 6 500 teńgege deıin, Reseıde – 8 500 teńgege deıin, Qytaıda – 8 000 teńgege deıin, Túrikmenstanda – 9 000 teńgege deıin, al Túrkııada – 13 000 teńgege deıin jetedi.
Mınıstrlik ettiń bólshek baǵasy tek ózindik qunǵa ǵana emes, sonymen qatar sanatyna, taǵamdyq qundylyǵyna, maldyń semizdigine jáne qaıta óńdeý tásiline baılanysty ekenin atap ótti. Mysaly, bir tutas iri qara mal etiniń tiri salmaǵynan tek 50–60%-y ǵana et retinde satýǵa jaramdy. Onyń ishinde 15–20%-y premıým sanattaǵy bólikter (fıle, rıbaı, jambas eti), 40–45%-y orta deńgeıli, 25%-y tómengi deńgeıli etke tıesili. Al súıek, maı jáne jaramsyz qaldyqtar 15–20%-dy quraıdy.
AShM ókilderi joǵary mármárli, jumsaq qurylymdy premıým et qymbat bolatynyn, al maıy az kesindiler arzandaý satylatynyn túsindirdi.
Mınıstrlik negizsiz baǵanyń ósýin tejeý úshin júıeli sharalardy jalǵastyryp jatyr. Olardyń qatarynda:
bordaqylaý alańdary men sharýashylyqtardy jeńildetilgen nesıeleý,
et óńdeý kásiporyndaryn salý jáne jańǵyrtý,
baǵany turaqtandyrý maqsatynda forvardtyq satyp alý men ıntervensııalar júrgizý bar.
Sondaı-aq ónim ótkizý tizbeginiń barlyq kezeńderinde básekelestik zańnamasynyń saqtalýyna baqylaý kúsheıtiledi.
Aýyl sharýashylyǵy mınıstrligi jaǵdaıdy turaqty baqylaýda ustap, ákimdiktermen jáne múddeli qurylymdarmen birlesip jumys júrgizip jatqanyn habarlady.