«Qazposhta» AQ Amerıka Qurama Shtattaryndaǵy alýshylarǵa poshta jóneltilimderin qabyldaý men jetkizý ýaqytsha toqtaǵanyn aıtty. Bul shekteý AQSh-tyń Keden jáne shekara qyzmetiniń 2025 jylǵy 26 tamyzdaǵy sheshimine baılanysty, dep jazady Egemen.kz.
Kompanııanyń málimetinshe, AQSh-qa hattar men qujattardy jiberý ádettegideı jalǵasady. Shekteý tek taýar salynǵan poshta jóneltilimderine qatysty.
«Shekteý amerıkalyq taraptan engizildi jáne ol kóptegen elderden keletin halyqaralyq poshta jóneltilimderine qoldanylady. Qazirgi tańda Dúnıejúzilik poshta odaǵyna múshe 192 memlekettiń ishinde tek 5 el ǵana AQSh-qa taýar salynǵan posylka jibere alady», delingen «Qazposhta» habarlamasynda.
«Qazposhta» sheteldik seriktesterimen turaqty baılanysta ekenin jáne qyzmetti qaıta jandandyrý boıynsha kelissózder júrgizip jatqanyn málimdedi. Kompanııa ýaqytsha qolaısyzdyq úshin tutynýshylardan keshirim surady.