Eldi jahanǵa tanytatyn erekshe joba

Is-sharaǵa Qazaqstan Pre­zı­dentiniń keńesshisi Ásel Ja­nasova, Qazaq­stannyń ha­lyq ártisi Dımash Qudaı­ber­gen, Týrızm jáne sport vıse-mınıstri Baýyrjan Rapıkov, «Kazakh Tourism» UK» AQ bas­qarma tóraǵasynyń mindetin atqarýshy Danıel Serjan­uly, «Qazaqstan» RTRK» AQ bas­qar­ma tóraǵasy Ernur Býrahan, «Hunan TV» ar­nasynyń «Kók­jıek daýysy» jobasynyń at­qarýshy prodıýseri Van Chın, jobanyń prodıýseri ári bas rejısseri Lýo Sınsın qatysty.

Ásel Janasova halyqaralyq joba Qazaqstan men Qytaı arasyndaǵy yn­tymaqtastyq tarıhynyń jańa paraǵyn ashatynyn aıtty. Sonymen qatar týrızm salasynda da erekshe mańyzǵa ıe ekendigin atap ótti. Spıkerler osy eńbegi úshin Dımashqa alǵys bildirdi.

Bir aıǵa jýyqqa sozyl­ǵan joba túsirilimi Túrkistan, Mańǵystaý, Almaty, Aq­mo­la oblystarynda, sondaı-aq Almaty men Astana qalalarynda ótken. Uly Jibek jolynyń boıyndaǵy Túrkis­tannan bastalǵan joba, Kaspıı teńizi jaǵasy men ta­bıǵattyń tylsym syryn saq­­taǵan Bozjyrada jal­ǵa­syn taýyp, Almaty óńiriniń injý-marjandary – Qaıyńdy kólin, Dúnıejúzilik UNWTO týrıstik uıymy álemdegi úzdik týrıstik aýyldardyń biri dep tanyǵan Saty aýylyn, Qapshaǵaı sý qoıma­syn, Aqmola oblysyndaǵy Kó­beı­tuz kóli men Shýchınsk – Býrabaı kýrorttyq aımaǵyn áıgiledi. Aqtyq kezeń elordada uıymdastyrylypty. Baı­­qaýǵa elimizben qatar, Qytaı, Qyrǵyzstan, Italııa, Ma­laı­zııa, Serbııa óner­paz­dary qatysyp, synǵa tús­ken. Oryndaýshylar shy­ǵar­­ma­shylyq saparmen eli­miz­di aralap, týrıstik oryn­­dar­men keńinen tanys­ty. Qaty­sý­shylardyń óne­rin ar­naıy shaqyrylǵan ha­lyq­­ara­lyq qazylar men kórer­men­der baǵalady. Eki márte «Gremmı» syılyǵynyń laýreaty, amerı­kalyq óner ıesi Ýolter Afanasev joba aıasynda Túrkistanda boldy.

– Shyǵarmashylyǵymmen ta­nys jandar biledi, ónerde qol­­ǵa alǵan isterim eshqashan kom­­mersııalyq maqsatty kóz­de­megen. Munda da solaı. Eń bas­tysy, ata-babadan qalǵan eldi, jerdi, onyń mádenıeti men qun­dylyǵyn óskeleń urpaqqa mı­ras etý. Múmkindik týyp tur­ǵan­da, elimizdiń mádenıeti men tý­rızmniń órkendeýine az da bol­sa úlesimizdi qossaq degen nıet­ten týǵan is edi bul. Osy joba aıasynda halyqaralyq deńgeıde tanymal bolatyn bir jas óner­pazdyń juldyzyn jaǵýdy da maqsat ettik. Talantyna, adam­gershiligine qarap, eli­mizden 25 jastaǵy Nurjasty tańdap aldyq. О́z basym áýeli talanttan buryn adamgershilikti jo­ǵary baǵalaımyn. Nur­jasqa tań­daýymyz osy turǵydan tústi.

Baıqaý erejesine kelsek, Qazaqstan tarapynan men, Qytaı tarapynan tanymal ánshi áriptesterim boldy. Eń joǵary kórsetkish 100 balmen esepteldi. Sonymen qatar 100 kórer­menniń árqaısysy ózi unatqan ánshige daýys ber­di. Jeńimpazdy osylaısha anyqtap otyrdyq. Qalǵanyna efırden tamashalaǵanda kó­rer­men baǵasyn beredi, – dedi Dımash Qudaıbergen.

Mundaı halyqaralyq jobada elimiz­diń eń tańdaýly jerlerin kórsetý ulttyq usty­nymyzdy sheteldik týrıstik naryqta ilgeriletýge jańa múmkindikter ashady.

– 22 kún ishinde Qazaqstannyń ártúrli memlekettik qurylym­darynyń jan-jaqty qol­daýynyń arqasynda túsiri­lim tobymyz myńdaǵan shaqy­rymdy artta qaldyryp, kó­rikti jerlerge taban tiredi. Biz baǵa jetpes kadrlardy tas­palap, qonaqjaı el tóri­nen júrekke jeter mýzykalyq iz qaldyrdyq», dedi «Hunan TV» arnasynyń «Voice Beyond Horizon» baǵdarlamasynyń prodıýseri jáne bas rejısseri Lýo Sınsın.

Joba Týrızm jáne sport, Mádenıet jáne aqparat mı­nıstrlikteri, «Kazakh Tourism» ulttyq kompanııasy, «Jo­laý­shylar tasymaly» AQ men jer­gilikti atqarýshy organ­dardyń qoldaýymen júzege asty. Otandyq «Qazaqstan» jáne qytaı arnasynan keler jyly jaryqqa shyǵady. Kórsetilimi 210 mıllıonnan astam aýdıtorııaǵa jetetin «Hunan TV» telearnasy men «Mango TV» sıfrlyq platfor­masynda josparlanǵan.