Elimizde onlaın-kazıno jarnamalaǵan blogerler endi qylmystyq jaýapkershilikke tartylmaq. Mundaı usynysty Qarjy monıtorıngi agenttigi tóraǵasynyń orynbasary Qaırat Bıjanov Úkimet otyrysynda aıtty, dep jazady Egemen.kz.
Onyń sózinshe, keıingi ýaqytta áleýmettik jelilerde onlaın-kazıno men basqa da qumar oıyndardyń jarnamasy kóbeıip ketken. Bul jaǵdaı halyqtyń, ásirese jastardyń oıynqumarlyqqa táýeldi bolý qaýpin kúsheıtip otyr.
«Onlaın-kazınony jarnamalaǵan blogerler sany kúnnen kúnge artyp keledi. Kópshiligi zańdy bilse de, ony elemeıdi. Qoldanystaǵy ákimshilik aıyppuldar olardyń tabysyna shaqqanda óte az. Sol sebepti mundaı áreketterge qylmystyq jaýapkershilik engizý qajet dep sanaımyz», dedi Q. Bıjanov.
Agenttiktiń málimetinshe, qazir 18 bloger ákimshilik jaýapkershilikke tartylǵan. Al barlyǵy 37 ınflıýenserdiń zańsyz jarnama jasaǵany anyqtalǵan.
Aıta keteıik, buǵan deıin, tamyz aıynda da osyndaı derekter jarııalanǵan edi. Sol kezde jyl basynan beri 34 blogerdiń onlaın-oıyndardy jarnamalaǵany belgili bolǵan. Olardyń 11-i ákimshilik jazaǵa tartylyp, qalǵan ister Mádenıet jáne aqparat mınıstrligine joldanǵan.