Prezıdentter Qazaqstan men Tájikstannyń strategııalyq seriktestigin odan ári nyǵaıtýǵa beıil ekenderin rastady, dep jazady Egemen.kz Aqordanyń baspasóz qyzmetine silteme jasap.
Taraptar buǵan deıin joǵary deńgeıde qol jetkizilgen ýaǵdalastyqtardy tolyq júzege asyrýdyń mańyzyna toqtaldy.
Sondaı-aq óńirlik jáne halyqaralyq kún tártibindegi ózekti máseleler jóninde pikir almasty. Qasym-Jomart Toqaev Emomalı Rahmonǵa «Ortalyq Azııa – Reseı» sammıtin, sonymen qatar TMD memleketter basshylary keńesiniń otyrysyn tabysty ótkizýge tilektestik bildirdi.