Almatylyq «Qaırat» fýtbol klýby Chempıondar lıgasynyń úshinshi týrynda óz alańynda Kıprdiń «Pafos» komandasyn qabyldaıdy. Kezdesý 21 qazanda Ortalyq stadıonda ótedi, dep habarlaıdy Egemen.kz.
Esterińizge sala keteıik, buǵan deıin komanda syrt alańda portýgalııalyq «Sportıngpen» jáne óz alańynda ıspanııalyq «Real Madrıdpen» kezdesken bolatyn.
Bıletter búgin, 13 qazanda saǵat 12:30-dan bastap satylymǵa shyqty. Olardy Freedom SuperApp jáne Kairat SuperApp mobıldi qosymshalary arqyly satyp alýǵa bolady. Bılet satý erejeleri «Qaırat» pen «Real Madrıd» kezdesýindegi tártipke sáıkes júrgiziledi.
Aıta keteıik, «Pafospen» oıynynan keıin «Qaırat» toptyq kezeńde taǵy bes match ótkizedi.