Oqý-aǵartý mınıstrliginiń «Daryn» respýblıkalyq ǵylymı-praktıkalyq ortalyǵy alǵash ret 9-11 (12) synyp oqýshylaryna arnalǵan qarjylyq saýat pen sıfrlyq qaýipsizdik boıynsha respýblıkalyq olımpıada uıymdastyrady, dep jazady Egemen.kz.
Bul joba oqýshylardyń qarjy salasyndaǵy bilimin arttyryp, qarjylyq jaýapkershiligi men sıfrlyq qaýipsizdik mádenıetin qalyptastyrýdy kózdeıdi.
Olımpıadanyń birinshi (mektepishilik) kezeńi 17 qazan kúni óńirlerde oflaın formatta ótedi. Qatysýshylar 30 suraqtan turatyn test tapsyrmasyn 60 mınýt ishinde oryndaýy tıis. Úzdik nátıje kórsetken 30 oqýshy kelesi kezeńge joldama alady.
Tórt kezeńnen turatyn olımpıadanyń fınaly 2026 jyldyń mamyr aıynda Astana qalasynda ótedi. Qorytyndy kezeńde ár óńir men respýblıkalyq bilim berý uıymdarynan úzdik shyqqan 150-den astam oqýshy baq synaıdy.