Astanada 2026 jylǵy merzimdi baspasóz basylymdaryna jazylý naýqanynyń bastalýyna jáne Jazylýshy kúnine oraı merekelik is-shara ótti. Jıyndy «Qazposhta» AQ Astana poshtamty uıymdastyrdy.
Basqosýda «Qazposhta» AQ «Balalarǵa syı jasa: gazet-jýrnaldarǵa jazyl» áleýmettik jobasyn iske qosty. Joba qıyn ómirlik jaǵdaıǵa tap bolǵan balalardy tanymdyq jáne oıyn-saýyq basylymdarymen qamtamasyz etýge baǵyttalǵan. Iаǵnı aksııanyń árbir qatysýshysy 3 myńnan astam baspa basylymdaryna: qoǵamdyq-saıası jáne ǵylymı-kópshilik basylymdardan bastap balalar men oıyn-saýyq basylymdaryna deıin jazylýdy rásimdep, olardy qamqorlyq pen meıirimge muqtaj balalarǵa bere alady.
– Belgili qalamgerler men jýrnalısterdiń qolynan shyqqan baspa basylymdary qashanda bilim men aqparattyń taptyrmas qaınar kózi bolǵan. Jazylýshy kúni – jýrnalısterdiń eńbegi men olardyń ómirlik ustanymyn qurmetteıtin dostar men pikirlesterdiń kezdesýi. Qazposhta úshin merzimdi baspasózdi taratý – mańyzdy áleýmettik mıssııa. Úlken qala bolsyn, shalǵaı aýyl bolsyn – bizge árbir jazylýshy qymbat. Poshtashylar jyl saıyn gazet-jýrnaldardyń jańa basylymdaryn jetkizý úshin myńdaǵan shaqyrym jol júredi, al suryptaýshylardyń qolynan kún saıyn on myńdaǵan dana ótedi. Ár úıge, ár jazylýshyǵa poshtashylarymyz arqyly jyly sóz ben iltıpat jetip jatqanyn maqtan tutamyz, – dedi «Qazposhta» AQ poshta servısi jáne memlekettik qyzmetter jónindegi basqarýshy dırektory Baǵlan Orazbaı.
Sondaı-aq ol «Qazposhta» AQ-nyń respýblıkalyq jáne óńirlik basylymdarmen berik áriptestik qarym-qatynas ornatqanyn aıtty. Osy oraıda is-sharaǵa qatysqan «Qazaq gazetteri» JShS bas dırektordyń birinshi orynbasary Vıktor Prıanıkov pen «Egemen Qazaqstan» gazeti bas redaktorynyń orynbasary Orynbek О́temurat merekelik izgi tilekterin jetkizip, yntymaqtastyqty nyǵaıta berýge nıetti ekenderin aıtty.
Jıynda sheberlik sabaqtary, merzimdi basylymdar jármeńkesi jáne búkil otbasy úshin taqyryptyq is-sharalar da uıymdastyryldy. Alǵashqy jazylýshylar eksklıýzıvti syılyqtar men estelik kádesyılar alyp, kópshilikti kitap oqýǵa degen súıispenshilik tóńiregine biriktirgen ıgi bastamanyń bir bóligine aınaldy.
Aıta keteıik Ulttyq poshta operatory búginde 6 161 eldi mekendi qamtıtyn 2 myńǵa jýyq bólimsheleri bar elimizdegi eń keń tarmaqtalǵan fılıaldar jelisine ıelik etedi.