Ordabasy aýdany, Badam aýyldyq okrýgine qarasty Qarabastaý aýylynda «Daryn-2030» farmasevtıkalyq óndiristik kásiporny ashyldy, dep habarlaıdy Egemen.kz.
Zamanaýı talaptarǵa saı jabdyqtalǵan nysan klınıkalyq-bakterıologııalyq zerthanalarǵa arnalǵan medısınalyq reagentterdi óndirýge baǵyttalǵan. Kásiporynnyń negizin qalaýshy – 40 jyldan astam tájirıbesi bar provızor, farmasevtıka salasynyń bilikti mamany Gýlııa Beksultanqyzy. Ol jańa óndiris orny arqyly el medısınasyna sapaly otandyq ónim usynýdy jáne jergilikti turǵyndar úshin jańa jumys oryndaryn ashýdy maqsat etken.
Saltanatty rásim barysynda oblystyq máslıhat tóraǵasy Nuraly Ábishov quttyqtaý sóz sóılep, jańa kásiporynnyń el ekonomıkasyna qosar úlesine toqtaldy. Ol óńirde osyndaı ınnovasııalyq baǵyttaǵy jobalardyń arta túsýi – memlekettiń ındýstrııalyq-ınnovasııalyq saıasatynyń naqty nátıjesi ekenin atap ótti. Al aýdan ákimi Azat Oralbaev «Daryn-2030» seriktestiginiń bastamasy – bul tek jańa jumys oryndary ǵana emes, sonymen qatar otandyq medısına men densaýlyq saqtaý salasyn damytýǵa qosylǵan súbeli úles ekenin atap ótti.