Qasym-Jomart Toqaev Túrkistanda Woosong ýnıversıtetiniń álemdik bilim berý talaptaryna saı keletin fılıalyn ashqany úshin Kım Song Kıongke rızashylyǵyn bildirdi, dep habarlaıdy Egemen.kz Aqordanyń baspasóz qyzmetine silteme jasap.
Prezıdent fılıaldyń ashylýy bilim berý ǵana emes, Qazaqstan men Ońtústik Koreıa halyqtaryn mádenı jaqyndastyrý turǵysynan erekshe mánge ıe joba ekenin atap ótti.
Kım Song Kıong Azııaǵa, sondaı-aq álemge belgili bilim jáne ǵylym úzdikteriniń biri sanalatyn Woosong University Qazaqstannyń zııatkerlik áleýetin nyǵaıtýǵa yqpal etetinin jetkizdi.
Áńgimelesý barysynda adam kapıtalyn damytý, bilim berý sapasyn arttyrý, aqparattyq tehnologııalar men jasandy ıntellekt salalarynda biliktiligi joǵary ınjenerler, suranysqa ıe mamandar daıarlaý máseleleri talqylandy.