Tennısten Saýd Arabııasynyń astanasy - Er-Rııadta ótip jatqan WTA-nyń qorytyndy týrnırinde Elena Rybakına tabysty óner kórsetýde, dep jazady Egemen.kz.
Tusaýkeser kezdesýinde álemniń tórtinshi raketkasy, amerıkalyq Amanda Anısımovanyń tas-talqanyn shyǵarǵan Qazaqstannyń eń úzdik tennısshisi ekinshi kezeńde úzdikter tiziminde ekinshi orynda turǵan Iga Shventekpen sheberlik baıqasty. Básekeniń birinshi setinde polshalyq tennısshi basymdyq tanytqanymen, odan keıin Rybakına qarqynyn kúrt kúsheıtip, qarsylasyn bas kótertpeı utty – 3:6, 6:1, 6:0.
Odan keıin Elena Medıson Kızben kúsh synasýǵa tıis edi. Alaıda densaýlyǵynyń syr berýine baılanysty AQSh tennısshisi kortqa shyǵýdan bas tartty. Ony reseılik Ekaterına Aleksandrova almastyrdy. Bul kezdesý búgin ótedi. Osy básekeniń nátıjesine qaramastan Rybakına óz tobynda birinshi oryn alyp, jartylaı fınalǵa joldama aldy.