Kásipkerlikti qoldaýdyń mańyzdy tetigi

Bıyl qor aýqymdy trans­formasııa júrgizip, qoldanys­taǵy quraldar­dyń tıimdi­ligin arttyrdy. Nátıje­sinde, Astanadaǵy shaǵyn jáne orta bıznes sýbekti­lerine kórsetiletin kómek kólemi aıtarlyqtaı ósti. Máselen, maýsym aıynda iske qosylǵan «О́rleý» baǵ­darlamasy arqyly kásip­kerler 12,6%-dyq turaqty mól­sher­lememen 10 jylǵa deıin nesıe ala alady. Osy baǵ­­darlama aıasynda elor­da­da jalpy somasy 63,6 mlrd teńgege 109 joba qarjylandyryldy.

Kepildik berý baǵyty bo­ıyn­­sha da eleýli nátıje­ler bar. Memleket basshysy­nyń tap­syrmasymen iske qosyl­ǵan eki «Kepildik qory» arqyly bıyl 290 jobaǵa 60,7 mlrd teńge kóleminde qoldaý kór­setildi. Kepildik nesıe soma­synyń 85%-yna deıin jabylady. Sondaı-aq sýbsıdııalaý quraly arqyly 226 jobaǵa 38,9 mlrd teńge kóleminde kómek berildi. Jalpy alǵanda, Astana qalasy kásipkerlikti memlekettik qoldaý baǵdar­lama­lary boıynsha res­pýblıkada kósh bastap tur.

«Damý» qorynyń óńirlik fılıalynyń dırektory Svetlana Nazarıýktyń aıtýynsha, jyl ishinde qor qoldaýynyń arqasynda 2,1 myń jańa jumys orny ashylyp, 10,5 myń jumys orny saqtalǵan. Bul elordadaǵy jumyspen qamtýdy arttyrý men ekonomıkalyq belsendilikti yntalandyrýǵa zor yqpal etken.

Qoldaý tapqan tabys­ty jobalardyń qatarynda «Tazau» JShS, «Yans» JShS men «Tatym» JK bar. Máselen, «Tazau» sý tazartý júıelerin shyǵarý óndirisin damytý úshin 200 mln teńge nesıe alyp, ekologııalyq tehnologııalardy engizýde. «Yans» kásiporny bir rettik ydystar men qaptama­lar shyǵarý óndirisin keńeı­týge 320 mln teńge nesıe men 1,8 mlrd teńge jeńil nesıe rá­sim­dedi. Al «Tatym» naýbaıhanasy sýbsıdııa­laý baǵdarlamasy arqasynda óndirisin jańǵyrtyp, ónim sapasyn arttyrdy.

«Tazau» kompanııasy tur­mystyq, jaýyn-shashyn men ónerkásiptegi aǵyn sýlardy tazartýǵa arnalǵan sheshimderdi ázirleý men óndirýge, sondaı-aq syrtqy ınjenerlik jelilerge arnalǵan jabdyqtar shyǵarýǵa mamandanǵan. «Tazau» on jyldan beri TMD elderinde tabys­ty jobalardy júzege asyryp keledi. Kásibı kózqaras, zamanaýı jabdyq pen ozyq tehnologııa engizýdiń arqasynda kásiporyn ekologııalyq qaýipsizdik pen ornyqty damý salasyndaǵy se­nimdi seriktes retinde bedelge ıe.

Bir rettik ydystar men qap­tamalar óndiretin otandyq – «Yans» JShS el boıynsha saýda men óndiris uıymdaryna sapaly materıaldaryn jetkizedi. Ol ishki naryqtaǵy óz pozısııasyn nyqtaı otyryp, elimizdiń óńdeý ónerkásibiniń damýyna serpin berip, jańa jumys oryndaryn ashyp, kásipkerlik áleýetti arttyrýǵa eleýli úles qosyp otyr.

Memlekettik qoldaýdyń ár­túrli tabysty mysaldary mem­­­­lekettik baǵdarlamalar men qu­­ral­dardyń ónerkásiptik ón­diris pen qaıta óńdeý salalarynan bastap azyq-túlik jáne taǵam tehnologııalary salalary­na deıingi keń aýqymdy qamtı­tynyn aıqyn kórsetedi.

Qoldaý tetikterin tıimdi paıdalana otyryp, shaǵyn bıznesti damytýdyń sátti úlgisi retinde «Tatym» JK atap ótýge bolady. Bul – zamanaýı tehnologııalardy paıdalana otyryp, biregeı reseptter boıynsha eksklıýzıv nan túrlerin pisiretin otandyq kásiporyn. Kom­panııa óz óniminde otbasylyq naýbaıshylyq dástúri men ınnovasııalyq óndiristik tásilderdi sheber úılestirip, tutynýshylarǵa joǵary sapaly ári erekshe dámge ıe nan ónimderin usynyp júr.

О́tken jyly «Alatau City Bank» AQ arqyly nesıe alǵanda «Ulttyq joba» baǵdarlamasy aıasynda «Tatym» JK nesıesiniń paıyz­dyq mólsherlemesiniń bir bóligin Qor sýbsıdııalap qoldaý kór­setti. Joǵary kásibılik, dástúr­ge adaldyq pen júıeli memlekettik qoldaý­dyń arqasynda «Tatym» JK el naryǵynda senimdi ári tanymal nan-toqash ónimderin óndirýshiniń biri retinde óz pozısııasyn nyǵaıtyp, otandyq taǵam ónerkásibi men eldiń azyq-túlik qaýipsizdigin damytýǵa úles qosyp júr.

Qordyń basqarýshy dırektory Nurbol Janabekov atap ótkendeı, «Damý» qorynyń bas­ty maqsaty – bıznesti qar­jylaı qoldaýmen qatar, el ekonomıkasynyń turaqty da­mýyna jáne halyqtyń ómir sapasyn arttyrýǵa úles qosa­tyn kásipkerlik ekojúıesin qalyptastyrý.

«Damý» qorynyń qoldaýy búginde Astana kásipkerleri úshin tek qarjylyq demeý emes, ınnovasııa men óndiris jańǵyrýynyń senimdi tetigine aınalyp otyr.