Qazaqstan quramasy Saýd Arabııasynyń Er-Rııad qalasynda ótken Islam yntymaqtastyǵy oıyndaryndaǵy ónerin aıaqtady, dep habarlaıdy Egemen.kz.
Jalpy esepte otandastarymyz 56 medal enshiledi. Onyń 15-i - altyn, 20-sy - kúmis, 21-i - qola medal. Osylaısha Qazaqstan jalpykomandalyq esepte jetinshi orynǵa turaqtady.
Júzý, aýyr atletıka jáne djıý-djıtsý quramalary el qorjynyna úsh medaldan saldy.
Ústel tennısshileri eki altyn medal jeńip aldy. Dzıýdo, mýaı-taı, semserlesý jáne karate sportshylary bir-bir altyn medalmen jarysty aıaqtady.
Qazaqstandyq atletter komandalyq jarysta da júldeger atandy. Áıelder quramasy gandboldan fınalǵa deıin jetip, ekinshi orynǵa ıe boldy.
Medal kestesinde Túrkııa kósh bastady - 72 altyn, 44 kúmis jáne 39 qola. Ekinshi orynǵa О́zbekstan ıe boldy (29 altyn, 35 kúmis, 32 qola). Úzdik úshtikti Iran túıindedi (29 altyn, 19 kúmis, 33 qola).
Aıta keteıik, bul jarysta elimizdiń namysyn 100-den astam sportshy qorǵady. Olar baǵdarlamaǵa engizilgen 23 sport túriniń 15-inde baq synady.