Memleket basshysynyń Joldaýynda kórsetilgen tapsyrmalaryna sáıkes Mańǵystaý oblysynda agrarlyq sektordy damytý jáne óńirdiń azyq-túlik qaýipsizdigin qamtamasyz etý baǵytyndaǵy jumystar qarqyn alýda, dep habarlaıdy Egemen.kz.
Mańǵystaý oblystyq aýyl sharýashylyǵy basqarmasynyń málimetinshe, óńirdiń tabıǵı-klımattyq erekshelikterine baılanysty negizgi azyq-túlik ónimderiniń basym bóligi syrttan jetkiziledi. Bul máseleni kezeń-kezeńimen sheshý maqsatynda birqatar mańyzdy jobalar qolǵa alynǵan. Sonyń biri – bıyl paıdalanýǵa berilgen syıymdylyǵy 22 myń tonna bolatyn zamanaýı kókónis saqtaý qoımasy.
-Jańa qoımanyń iske qosylýy maýsymaralyq kezeńde ónimdi saqtaýǵa, ishki naryqty kókónispen turaqty qamtýǵa jáne baǵanyń turaqtylyǵyn qamtamasyz etýge múmkindik beredi. Bul óz kezeginde óńirdiń azyq-túlik qaýipsizdigin nyǵaıtýǵa eleýli úles qosady, dep habarlady basqarma ókilderi.
Sonymen qatar, Mańǵystaý oblystyq aýyl sharýashylyǵy basqarmasynyń aqparatyna sáıkes Túpqaraǵan aýdanynyń «Saýra» jerinde, «Qyzylsyǵyra» mańynda «Qaraǵantúbek» JShS-niń túıe saýyn sehy ashyldy. Jobanyń jalpy quny 600 mln teńge. Kásiporynnyń qýattylyǵy táýligine 400 tonna sút óndirýge jetedi. Sehtyń basty ereksheligi - túıe sútin tolyqtaı avtomattandyrylǵan júıede saýý tehnologııasynyń engizilýi. Bul joba óńirde túıe sharýashylyǵyn damytyp, jergilikti sút ónimderiniń kólemin arttyrýǵa múmkindik beredi. Sondaı-aq jańa jumys oryndaryn qalyptastyryp, aýyldyq aýmaqtardyń áleýmettik-ekonomıkalyq damýyna oń áserin tıgizedi.
Mańǵystaý oblysy