Ulytaý oblysynyń ákimi Dastan Ryspekov Jezqazǵan–Qyzylorda baǵytyndaǵy respýblıkalyq mańyzy bar avtojolda júrgizilip jatqan qaıta jańǵyrtý jumystarynyń qarqynyn baqylap, nysandaǵy merdiger mekemelerdiń jumysymen tanysty, dep habarlaıdy Egemen.kz.
Búginde Ulytaý oblysyna tıesili 208 shaqyrym joldy bıiktetý, jańa sý ótkizý qubyrlaryn ornatý jumystary tolyq aıaqtalǵan. Qurylys alańynda 50 shaqyrymǵa asfalt tóselgen.
Jumys sapary barysynda oblys basshysy merdiger kompanııalarmen jıyn ótkizip, qurylys sapasy men jumys merzimine qatysty naqty tapsyrmalar júktedi.
Atap aıtqanda, jol qurylysynda qoldanylyp jatqan barlyq tehnıkany Ulytaý oblysynda tirketip, jyl sońyna deıin salyq tóleý mindetin qatań baqylaýǵa alýdy tapsyrdy. Sondaı-aq jobada sheteldik jumys kúshin tartý máselesine toqtalyp, tek naqty qajet, joǵary bilikti mamandardy ǵana shaqyrý qajettigin eskertti.
«Barlyq azamat úshin eńbek jaǵdaıy teń bolýy tıis», dedi ákim Dastan Ryspekov.
Sonymen qatar oblys ákimi «Qazavtojol» AQ-yna Ulytaý oblysyna kireberis jol boıyna stellany kelesi jyldyń sáýir aıynan keshiktirmeı ornatý jóninde tapsyrma berdi.
Ulytaý oblysy ákimdigi jol ınfraqurylymyn jańǵyrtý óńirdiń áleýmettik-ekonomıkalyq damýy úshin basym baǵyttardyń biri ekenin atap ótti. Jobanyń sapaly ári ýaqytyly oryndalýy qatań baqylaýda bolady.
Ulytaý oblysy