Almatydan elordaǵa baǵyt alǵan ushaq bortyndaǵy kondısııalaý júıesinen kúmándi ıis shyǵýyna baılanysty keri qaıtýǵa májbúr boldy. Áýe kompanııasy bul sheshimniń jolaýshylar qaýipsizdigin qamtamasyz etý maqsatynda qabyldanǵanyn málimdedi, dep jazady Egemen.kz.
Air Astana áýe kompanııasynyń habarlaýynsha, áýe kemesiniń komandıri ushý qaýipsizdigin qatań saqtaý maqsatynda Almatyǵa qaıta oralýdy uıǵarǵan. Ushaq jergilikti ýaqyt boıynsha saǵat 07:40-ta eshqandaı qıyndyqsyz, shtattyq rejımde jerge qondy.
Kútý zalynda bolǵan jolaýshylarǵa áýe kompanııasy tarapynan salqyn jáne ystyq sýsyndar men jeńil tiskebasarlar usynylǵan. Sapardy jalǵastyrý úshin qosymsha ushaq bólinip, jolaýshylar saǵat elordaǵa qaraı jóneltiledi.
Qazirgi ýaqytta mamandar oqıǵanyń sebebin anyqtaý úshin áýe kemesine tolyq tehnıkalyq tekserý júrgizip jatyr. Áýe kompanııasy bul sharalardyń qalypty qaýipsizdik hattamasyna sáıkes atqarylyp jatqanyn jetkizdi.