Bul týraly Memleket basshysy Tokıo qalasyndaǵy Birikken Ulttar Uıymy ýnıversıtetinde oqyǵan dárisinde aıtty, dep habarlaıdy Egemen.kz Aqordanyń baspasóz qyzmetine silteme jasap.
Qasym-Jomart Toqaev Strategııalyq senimniń jańa mádenıeti halyqaralyq yntymaqtastyq pen ujymdyq sheshim qabyldaý úderisiniń negizi bolýy qajettigin aıtty.
Prezıdenttiń pikirinshe, halyqaralyq qoǵamdastyq ınstıtýttary tıimdi qyzmet etýi úshin ózara senimdi qalpyna keltirýi qajet.
«Strategııalyq senimniń jańa mádenıeti halyqaralyq yntymaqtastyq pen ujymdyq sheshim qabyldaý úderisiniń negizi bolýǵa tıis. Osy rette Qazaqstan atalǵan qaǵıdattardy Azııadaǵy ózara senim sharalary jónindegi keńes pen Álemdik jáne dástúrli dinder kóshbasshylarynyń sezi sekildi alańdar arqyly únemi ilgeriletip keledi. Búgingi syn-qaterlerge birde-bir memleket jalǵyz ózi tótep bere almaıtyny ras. Tek túbegeıli jáne tıimdi ujymdyq is-qımyl ǵana uzaq merzimdi nátıje beredi. Bul oraıda BUU halyqaralyq qatynastardy retteıtin ámbebap ári balamasy joq uıym rólin atqarýdy jalǵastyra berýi kerek», dedi Qazaqstan Prezıdenti.