Básekelestikti qorǵaý jáne damytý agenttigi Qostanaı men Qyzylorda qalalaryndaǵy áýejaılardy áýe otynynyń baǵasyn negizsiz kótergeni úshin jaýapkershilikke tartty, dep habarlaıdy Egemen.kz.
Agenttik aımaqtyq áýejaılarda áýe otynynyń baǵasyna qatysty tekserý júrgizip, nátıjesinde Qostanaı jáne Qyzylorda áýejaılary janarmaıdy joǵary baǵamen satqanyn anyqtady.
Qostanaı oblysynda Ahmet Baıtursynuly atyndaǵy Qostanaı halyqaralyq áýejaıy óziniń qyzmettik jaǵdaıyn teris paıdalanǵany úshin kináli dep tanyldy. Sot sheshimimen áýejaıǵa jalpy somasy 16,6 mln teńge aıyppul salyndy.
Sondaı-aq Qyzylorda qalasyndaǵy Qorqyt Ata atyndaǵy áýejaıǵa da osyndaı shara qoldanyldy. Áýejaı 7,3 mln teńge kóleminde aıyppul tóledi, qosymsha 2,5 mln teńge zańsyz alynǵan tabysy tárkilendi. Básekelestikti qorǵaý jáne damytý agenttiginiń nusqamasyna sáıkes, áýe otynynyń baǵasy 780 myń teńgeden 533 750 teńgege deıin tómendetildi.