31 jeltoqsan kúni Qara teńizdegi Týapse portynda jáne Týapse munaı óńdeý zaýytynda (MО́Z) ushqyshsyz ushý apparattarynyń shabýyly saldarynan zaqym tirkeldi. Bul týraly Krasnodar ólkesiniń jedel shtaby málimdegen, dep habarlaıdy Egemen.kz.
Resmı málimetke sáıkes, porttaǵy aılaqtardyń birinde shyqqan órt jedel túrde sóndirilgen. Sondaı-aq munaı óńdeý zaýyty aýmaǵyndaǵy órt te tolyqtaı aýyzdyqtalǵan. О́rt aýmaǵy shamamen 300 sharshy metrdi quraǵan.
Týapse portynyń mańyzy
Týapse porty – Reseıdiń munaı ónimderin eksporttaýdaǵy strategııalyq nysandarynyń biri. Ol negizinen:
Týapse munaı óńdeý zaýytynyń ónimderin;
«Rosneft» kompanııasyna tıesili Samara tobynyń MО́Z-derinde óndirilgen janarmaıdy eksporttaýǵa paıdalanylady.
Jyldyq qýattylyǵy 12 mln tonna bolatyn Týapse MО́Z ishki naryqqa arnalǵan avtobenzın men tómenkúkirtti dızel otynyn óndirmeıdi. Kásiporyn negizinen nafta, mazýt, vakýýmdy gazoıl jáne kúkirt mólsheri shamamen 0,7% bolatyn dızel otynyn shyǵarady.
Buǵan deıingi oqıǵa
Aıta keteıik, buǵan deıin 2 qarasha kúni Týapse portynda BPLA synyqtarynyń qulaýynan munaı quıý termınalynyń nysandary men eki sheteldik azamattyq keme zaqymdanǵan edi. Sol kezde Týapse munaı óńdeý zaýyty ýaqytsha jumysyn toqtatýǵa májbúr bolǵan.
Eki aptalyq úzilisten keıin port eksporttyq júk tıeýdi qaıta jandandyryp, al zaýyt óndirisin qaıta iske qosqan bolatyn.