Almaty oblysynda 2025 jyly jastardy qoldaýǵa baǵyttalǵan keshendi sharalar júzege asyrylyp, naqty nátıjelerge qol jetkizildi. Jyl qorytyndysy boıynsha óńirde jastardy jumyspen qamtý, kásipkerlikti damytý, bilim berý, volonterlikti qoldaý jáne ınfraqurylymdy jetildirý baǵyttarynda aýqymdy jumystar atqaryldy, dep habarlaıdy Egemen.kz.
2025 jyly Almaty oblysynda 27 360 jas azamat jumysqa ornalastyryldy. Onyń ishinde 14 094 jas jeke bastamalar aıasynda eńbek etse, 6 927 azamat «enbek.kz» portaly arqyly turaqty jumys tapty. Al jumyspen qamtýdyń belsendi sharalaryna 3 852 jas tartylyp, jastar tájirıbesi, qoǵamdyq jumystar, áleýmettik jumys oryndary, alǵashqy jumys orny jáne urpaqtar kelisimsharty sııaqty baǵdarlamalar iske asyryldy.
О́ńirde NEET sanatyndaǵy jastar sany aıtarlyqtaı qysqaryp, 45 994 adamnan 27 074 adamǵa deıin tómendedi. Bul kórsetkish 2024 jylmen salystyrǵanda 18 920 jasqa az. Qazirgi tańda Almaty oblysynda 35 jasqa deıingi jastar sany 432 myńnan asady, bul óńir halqynyń shamamen 30 paıyzyn quraıdy.
Jastardyń kásibı áleýetin arttyrý maqsatynda «Bıznes bastaý» jobasy aıasynda 910 jas oqýdan ótti. О́z isin ashýǵa nıetti 91 jas azamatqa 400 AEK nemese shamamen 1,5 mln teńge kóleminde memlekettik grant berildi. Sonymen qatar, 254 jumyssyz jas qysqa merzimdi kásiptik oqytý kýrstaryna jiberildi.
2025 jyly óńirlik «Táýelsizdik urpaqtary» granty boıynsha 10 jasqa 10 mln teńge tabystaldy. Almaty oblysy ákiminiń «Zańǵar» syılyǵymen 10 jas azamat 5 mln teńgeden marapattaldy. Sondaı-aq, aýyldyq jastarmen jumys isteıtin mamandardy qoldaýǵa arnalǵan «Umtylys» baıqaýy uıymdastyryldy.
«Jasyl el» jobasy aıasynda 1000 jas maýsymdyq jumyspen qamtylyp, onyń 800-i aýyl jastary boldy. Al 2026 jyly taǵy 1 myń jas azamatty maýsymdyq jumyspen qamtý josparlanyp otyr. Sonymen qatar, jastar eńbek jasaqtaryn qurylys, agrarlyq jáne ınjenerlik-tehnıkalyq baǵyttar arqyly jańǵyrtý kózdelgen.Jyl ishinde Balqash, Kegen, Raıymbek jáne Qarasaı aýdandarynda 4 jańa jastar ortalyǵy paıdalanýǵa berildi. Qonaev qalasynda jastarǵa arnalǵan kovorkıng ortalyǵy ashyldy. Aldaǵy jyly Talǵar, Jambyl, Eńbekshiqazaq jáne Uıǵyr aýdandarynda taǵy 4 jastar ortalyǵyn iske qosý josparlanyp otyr.
Almaty oblysynda volonterlik qyzmetti damytý maqsatynda volunteers05.kz elektrondy platformasy iske qosylyp, 3 myń belsendi volonterden turatyn baza qalyptastyryldy. Respýblıkalyq «Igi ister marafony» aıasynda óńir «Eń meıirimdi aımaq» nomınasııasyn jeńip aldy. Sonymen qatar, «Jyl volonteri» halyqaralyq syılyǵymen 5 volonterlik uıym marapattaldy.
Almaty oblysynda júzege asqan bul bastamalar jastardyń áleýetin arttyrýǵa, áleýmettik belsendiligin kúsheıtýge jáne olardyń turaqty damýyna serpin berip otyr.