«Býrabaı» memlekettik ulttyq tabıǵı parkiniń ákimshiligi 2026 jyldan bastap avtokólikter úshin kirý aqysynyń kóterilgenin habarlady. Bul sheshim aılyq eseptik kórsetkishtiń (AEK) ósýimen baılanysty, dep habarlaıdy Egemen.kz.
2026 jyly AEK mólsheri 4 325 teńgeni qurady (salystyrmaly túrde: 2025 jyly 3 932 teńge bolǵan). Osyǵan oraı, erekshe qorǵalatyn tabıǵı aýmaqqa kirý úshin alynatyn memlekettik alym mólsheri de qaıta esepteldi.
Kúndelikti tólem mólsheri:
Endi ulttyq park aýmaǵyna kólikpen kiretinder ár táýlik úshin kelesi mólsherde aqy tóleıdi:
Jeńil avtokólikter – 1 298 teńge; 16 orynǵa deıingi shaǵyn avtobýstar men júk kólikteri – 4 325 teńge; 32 orynǵa deıingi avtobýstar – 8 650 teńge; 32 orynnan asatyn avtobýstar – 12 975 teńge.Jazǵy maýsymdaǵy joǵary tarıfter:
1 mamyr men 30 qyrkúıek aralyǵyndaǵy demalys jáne mereke kúnderi arnaıy joǵarylatylǵan tarıfter qoldanylady:
Jeńil avtokólikter – 1 730 teńge; Shaǵyn avtobýstar men júk kólikteri – 6 488 teńge; 32 orynǵa deıingi avtobýstar – 10 813 teńge; 32 orynnan asatyn avtobýstar – 15 138 teńge.Aıta keterligi, bul ózgerister tek avtokólikpen kelýshilerge qatysty.