Aldaǵy eki jylda 3 myńnan astam aýylǵa talshyqty-optıkalyq baılanys jelileri qosylady. Bul týraly Úkimet otyrysynda Premer-mınıstrdiń orynbasary – jasandy ıntellekt jáne sıfrlyq damý mınıstri Jaslan Mádıev málimdedi, dep jazady Egemen.kz.
Onyń aıtýynsha, bul el halqynyń 99%-yn sapaly baılanyspen qamtýǵa múmkindik beredi. Sonymen qatar aýyldyq jerlerdegi úılerge optıka jelisin jetkizý boıynsha «sońǵy mıl» jobasy júzege asyrylyp jatyr.
«Osy joba aıasynda 400 myńǵa deıin úı sharýashylyǵyna optıka qurylysy kózdelip otyr. Qosymsha 2,5 mln adam qamtylady. Ákimdikterden optıkalyq kabeldi ilý úshin elektrmen jabdyqtaý tirekterine qoljetimdilikti qamtý, uıymdastyrý talap etiledi», dedi Jaslan Mádıev. Jaslan Mádıevtiń aıtýynsha, 5G baılanysyn damytý sıfrlyq transformasııanyń basymdyqtarynyń biri bolyp qala beredi. Bıyl 1900 eldi mekenge joǵary jyldamdyqty ınternet qosylady Búginde 5G jelisi elimizdiń 20 qalasynda qoljetimdi. Osy jyly bazalyq stansalardy ornatý jumystary jalǵasady. «Qalalar aýmaǵyn 75%-ǵa deıin qamtý úshin jańa 5G bazalyq stansalaryn ornatý jumystary jalǵasady. Sondaı-aq kúre joldardy mobıldi baılanyspen qamtý boıynsha joba iske qosyldy. Bul respýblıkalyq jáne oblystyq mańyzy bar 40 myń shaqyrym joldy quraıdy. Jobany aldaǵy eki jylda aıaqtaý josparlanyp otyr», dedi vıse-premer. Poıyzdar men ushaqtarda Starlink deńgeıindegi ınternet paıda bolady