«Aqtóbe» fýtbol klýby endigi jerde «Qazaq Story Properties» kompanııasynyń basqarýyna berildi. Sondaı-aq «Aqtóbe» FK» AQ basqarma tóraǵasy Sanat Shalekenovtyń ókilettiligi aıaqtalǵany belgili boldy. Klýbtyń jańa basqarma tóraǵasy – Arman Ospanov. Fýtbol klýbyndaǵy qurylymdyq ózgeristerge baılanysty ótkizilgen baspasóz konferensııasynda FIFA Master (CIES) halyqaralyq baǵdarlamasynyń túlegi Arman Ospanov «fýtbol menedjmenti men korporatıvtik basqarý salasynda tájirıbesi mol» dep tanystyryldy, dep habarlaıdy Egemen.kz.
Arman Áshimhanuly «Aqtóbe» fýtbol klýbyn eýropalyq deńgeıge shyǵarýdy josparlap otyrǵanyn, klýbqa uzaqmerzimdik basqarýǵa kelgenin jáne aldaǵy oıyndardyń nátıjelerine tolyq jaýapkershilik alatynyn jetkizdi.
Ázirge belgilisi, klýb basshylyǵy 2030 jylǵa deıingi strategııalyq josparyn ázirlegen. Bıylǵy jyldyń ózinde Qazaqstan premer-lıgasynyń alǵashqy úshtigine ilinip, Qazaqstan kýbogin jeńip alýǵa tyrysatyndaryn, kelesi jyly eýrokýboktardyń negizgi kezeńine qatysý jospary baryn málim etti.
«Atyraý» fýtbol klýbynan bir mezette 12 oıynshy ketetin boldy
«Qazaq Story Properties» kompanııasy fýtbolshylardy eýropalyq deńgeıdegi jattyǵýǵa qatystyryp, sportshylardyń densaýlyǵyn tekseretin medısınalyq mekeme salyp, ońaltý ortalyǵyn ashýdy josparlap otyr. Jańa basqarýshy túpki maqsat básekege qabiletti, bıýdjeti ashyq jáne tıimdi basqarylatyn fýtbol klýbyn qalyptastyrý ekendigin atap ótti.
Eske salaıyq, buǵan deıin «Tobyl» fýtbol klýbynyń ataýy tolyq qazaqshalanǵanyn jazǵan edik.