Aqtóbelikter endi jedel járdem kóliginiń qaı jerde kele jatqanyn Iаndeks Go qosymshasy arqyly baqylaı alady. Buryn mundaı múmkindik tek braýzerdegi kartada silteme arqyly ǵana qoljetimdi bolǵan, dep jazady Egemen.kz.
Jedel járdemge shaqyrtý túsken kezde júıe avtomatty túrde Iаndeks Go qosymshasynan push-habarlama jiberedi. Al medısına mamandary qaı jerde kele jatqanyn, qansha ýaqyttan keıin keletinin kórsetedi.
Yandex Qazaqstan basshysy Tımýr Shalekenovtyń aıtýynsha, bul aqparatty týysyńyzǵa tikeleı qosymshadan jiberýge bolady. Eger qosymsha ornatylmaǵan bolsa, ótinish berýshiniń telefonyna kartaǵa kiretin siltemesi bar SMS-habarlama keledi. Kartany braýzerden ashqan kezde, paıdalanýshy jedel járdemniń qozǵalysyn naqty ýaqyt rejıminde kóre alady.
Jedel járdem qyzmetkerleri jappaı beınetirkegishpen qamtylady
Aıta keteıik, bul bastama Aqtóbe ákimdigimen jáne Densaýlyq saqtaý mınıstrligimen birlesip iske asyrylǵan. Alǵashqy kezeńde múmkindik Aqtóbedegi tek belgili bir shaqyrtýlarǵa ǵana qoljetimdi. Aldaǵy ýaqytta ony qala boıynsha barlyq shaqyrtýǵa engizý josparlanyp otyr.
Aıta keteıik, byltyr jedel járdem qyzmeti 7,4 mln-nan astam shaqyrtýǵa qyzmet kórsetken.
Sondaı-aq Úkimette jedel járdem qyzmetkerleriniń jalaqysyn kóterý máselesi pysyqtalyp jatyr.