AQSh prezıdenti Donald Tramp Irandaǵy ınternetti qalpyna keltirý máselesin talqylaý úshin mıllıarder Ilon Maskpen sóılesýdi josparlap otyr, dep habarlaıdy Egemen.kz.
Dúnıejúzilik ınternet erkindigin baqylaýmen aınalysatyn NetBlocks uıymynyń habarlaýynsha, Iranda ótken aptadan beri ınternet joq.
Jeksenbi kúni AQSh prezıdenti Donald Tramp Ilon Maskpen sóılesetinin aıtty. Sebebi ol «mundaı isterdiń bilgiri, kompanııasy da óte jaqsy» dep sıpattady Tramp.
Mask pen Tramp arasyndaǵy qarym-qatynas ártúrli bolǵan. О́tken jyly olar qoǵamdyq deńgeıde daýlasyp, Mask Tramptyń negizgi salyq zań jobasyna qarsy shyqqan. Alaıda osy aıda olar Mar-a-Lago kýrortyndaǵy keshki asta bir ústel basynda otyrǵan. Sonymen qatar, AQSh qorǵanys mınıstri Pıt Hegset dúısenbi kúni SpaceX kompanııasynyń Tehastaǵy nysanyn kórýdi josparlap otyr.
Masktyń Starlink spýtnıktik ınterneti buǵan deıin de qaqtyǵys bolǵan aımaqtarda, mysaly Ýkraınada qoldanylǵan.
Irandaǵy narazylyqtar 28 jeltoqsanda baǵanyń kúrt ósýine baılanysty bastalyp, keıin úkimetke qarsy aksııalarǵa ulasqan. Iran bıligi tártipsizdiktiń órshýine AQSh pen Izraıldi aıyptady. AQSh prezıdenti Donald Tramptyń aralasý jónindegi qoqan-loqysyna jaýap retinde Iran parlamentiniń spıkeri Muhammed Baǵer Qalıbaf Iranǵa qarsy kez kelgen áreket amerıkalyq bazalar men Izraılge qarsy jaýap sharalaryna alyp keletinin eskertti.
Irannyń quty qashty: AQSh dem berip, Pehlevı ereýilge shaqyrdy
Iranda «qurbandarǵa» arnalǵan úsh kúndik ulttyq aza tutý jarııalandy. Adam quqyqtaryn qorǵaý uıymdarynyń málimeti boıynsha, eki apta ishinde úkimetke jáne ekonomıkalyq daǵdarysqa qarsy ótken narazylyqtar kezinde elde 500-den astam adam qaza tapqan.
Irannyń taq murageri Reza Pehlevı halyqty jappaı narazylyqqa shyǵýǵa shaqyrdy