2026 jylǵy 10 qańtarynda bastalǵan UBT-ny búginge deıin 36 myńnan astam adam ótti. Talapkerlerdiń 64%-y testileýdi qazaq tilinde, 36%-y orys tilinde jáne 52 adam aǵylshyn tilinde tapsyrdy, dep jazady Egemen.kz.
Birinshi aptanyń qorytyndysy boıynsha talapkerlerdiń 60,3%-y shekti ball jınady. Bes pán boıynsha ortasha ball 57 baldy qurady. Eń joǵary nátıje – 131 ball.
Erekshe bilim berý qajettilikteri bar oqýǵa túsýshiler úshin qolaıly jaǵdaı jasaýdyń arqasynda UBT-ǵa 156 talapker qatysqanyn aıta ketken jón.
Talapkerlerdiń test tapsyrmalarynyń mazmuny boıynsha testileý aıaqtalǵannan keıin 30 mınýt ishinde apellıasııaǵa berý quqyǵy bar. Tehnıkalyq sebepter boıynsha apellıasııa tikeleı testileý kezinde qabyldanady. Nátıjeleri bar sertıfıkattar apellıasııa qarastyrylǵannan keıin jeke kabınetterde qoljetimdi bolady.
Eske sala keteıik, Qazaqstanda Ulttyq biryńǵaı testileýdiń mazmunyn ózgertý josparlanyp otyr. Bul týraly Úkimettegi brıfıngte Joǵary jáne joǵary oqý ornynan keıingi bilim berý komıtetiniń tóraǵasy Gúljan Jarasova málimdegen.