Ulttyq statıstıka bıýrosy áleýmettik mańyzy bar azyq-túlik taýarlarynyń baǵasyna qatysty jańartylǵan derekterdi jarııalady. Jalpy ınflıasııa saqtalǵanymen, birqatar ónimderdiń baǵasy aıtarlyqtaı tómendegen, dep habarlaıdy Egemen.kz.
Baǵasy eń kóp tómendegen ónimder
Tutynýshylar úshin jaǵymdy jańalyq – kókónis tobynyń aıtarlyqtaı arzandaýy. Strategııalyq josparlaý jáne reformalar agenttiginiń ulttyq statıstıka bıýrosy (SJRA USB) derekterine sáıkes, Qazaqstanda eń qatty arzandaǵan ónim – qııar. Onyń baǵa ındeksi bir jylda 86,7%-dy qurap, quny 13,3%-ǵa tómendegen.
Jyldyq mánde eń kóp arzandaǵan taýarlar qataryna mynalar kirdi:
Qyzanaq –11,8%-ǵa arzandady (ındeks 88,2);
Kartop – 9,6%-ǵa tómendedi (ındeks 90,4);
Tazartylǵan kúrish – 4,7%-ǵa arzandady (ındeks 95,3);
Bas pııaz – 0,4%-ǵa azdap tómendegen (ındeks 99,6).
Baǵasy eń kóp qymbattaǵan ónimder
Sonymen qatar, áleýmettik mańyzy bar azyq-túlik taýarlarynyń jalpy baǵa ındeksi bir jylda 8%-ǵa ósken. Inflıasııaǵa negizgi úlesti et ónimderi qosqan.
2025 jylǵy qańtarmen salystyrǵanda 2026 jylǵy qańtar aıy boıynsha baǵasy eń kóp ósken ónimder:
Súıeksiz sıyr eti – 31,2%-ǵa qymbattady (ındeks 131,2);
Qoı eti (sonyń ishinde súıeksiz) –28,6% (ındeks 128,6);
Súıekti sıyr eti – 28,3% (ındeks 128,3);
Tartylǵan et – 26,5% (ındeks 126,5).
Basqa sanattarda da baǵanyń aıtarlyqtaı ósýi baıqaldy: kúnbaǵys maıy (+14,8%), alma (+14,0%) jáne sábiz (+13,6%).
Qańtardyń alǵashqy jartysyndaǵy jaǵdaı
2026 jyldyń basynan bergi ózgeristerge nazar aýdarsaq, maýsymdyq kókónister men sút ónimderi baǵanyń ósýi boıynsha aldyńǵy orynǵa shyqqan. Eń joǵary ósim retinde aq qaýdandy qyryqqabat tirkeldi – jyl basynan beri 7,1%-ǵa qymbattaǵan, onyń 3,8%-y qańtardyń ekinshi aptasyna tıesili.
Sondaı-aq jyl basynan beri:
Sábiz (+2,2%),
Qaraqumyq jarmasy (+1,7%),
Aıran (+1,3%) qymbattaǵan.
Al sońǵy eseptik aptada (8-14 qańtar aralyǵy) birinshi sortty unnan pisirilgen bıdaı nany (-1,5%) men taýyq eti (-0,9%) arzandaǵan.
QQS ósimi áleýmettik mańyzy bar azyq-túlik baǵasyna áser etti me?
Jyl basynan beri arzandaǵan ónimder
1 qańtardan bastap tómendegen baǵalar:
Qııar: -3,7%;
Alma: -1,5%;
Qyzanaq: -1,0%;
Qara shaı: -0,7%;
Tazartylǵan kúrish: -0,6%;
Qatty jáne jartylaı qatty irimshik: -0,6%;
Taýyq eti: -0,5%;
Sút: -0,3%;
Qaımaq: -0,2%;
Taýyqtyń jambasy, baltyry, san eti: -0,2%;
Súıekti sıyr eti: -0,1%;
Súıeksiz sıyr eti: -0,1%.
Jalpy, 2026 jylǵy qańtardyń ortasyna qaraı áleýmettik mańyzy bar taýarlardyń ortasha baǵa ındeksi aldyńǵy aptamen salystyrǵanda ózgerissiz (100,0%) qalyp, azyq-túlik naryǵynda ýaqytsha tepe-teńdik saqtalyp otyrǵanyn kórsetedi.
Demalys kúnderi azyq-túlikti qaıdan arzan alýǵa bolady?