Prezıdent Qasym-Jomart Toqaev 2022 jyldaǵy Joldaýynda Ulttyq qor tabysynyń 50%-y balalarǵa aýdarylatynyn aıtqan bolatyn. Araǵa 1 jarym jyl salyp, Ulttyq qordan alǵashqy úles 18 jasqa deıingi balalar shotyna 2024 aqpan aıynda 100 dollar 52 sent kóleminde tústi. 2025 jyly balalardyń shotyna 129 dollar aýdarylsa, byltyrǵy qor tabysynyń nátıjesinde balalarǵa 130 dollar kóleminde qarjy túsedi. Bul týraly Ulttyq bank tóraǵasy Tımýr Súleımenov aıtty, dep jazady Egemen.kz.
«Qaýlymyzǵa sáıkes, bul derekterdi 1 aqpanda resmı jarııalaımyz. Bul dúnıege sábılerdiń kelýine, keıbir balalardyń elden ketip, azamattyqtan shyǵýyna baılanysty esepteledi. Sondyqtan Úkimettegi áriptesterimizben atalǵan qarajattyń kimge aýdarylatyndyǵy qaralady. Aldyn ala derekterge qaraǵanda, soma ótken jyldaǵymen para bar, ár balaǵa 130 dollardan tıesili bolady», dedi Tımýr Súleımenov.
2025 jyly Ulttyq qorǵa qansha tabys tústi?2026 jyldyń 1 qańtaryndaǵy málimetke sáıkes, qordyń jıyntyq aktıvteri 77,77 mlrd dollardy quraǵan.
О́tken 2025 jyldyń 9 aıynyń qorytyndysy boıynsha, Ulttyq qordy basqarýdan túsken ınvestısııalyq tabys rekordtyq deńgeıge kóterilip, 6,4 trln teńgeni (shamamen 12,6 mlrd dollar) qurady. Dál osy tabys kórsetkishi aktıvterdiń ósýine negizgi qozǵaýshy kúsh boldy.Resmı málimetke súıensek, 2025 jyldyń basynda Ulttyq qordyń jalpy aktıvteri 29,85 trln teńgeni quraǵan. Esepti kezeńde qor qorjyny 3,84 trln teńgemen tolyǵyp, odan 5,95 trln teńge jumsalǵan. Osylaısha, qordan alynǵan qarajat kólemi túsimnen 2,1 trln teńgege artyq bolyp otyr.
Ulttyq qor tabysy munaı sektory, salyq túsimi, sondaı-aq paıdaly qazbalardy óndirý salyǵy men eksportqa salynatyn renta salyǵy, jer qoınaýyn paıdalanýshylardyń qosymsha tólemderi esebinen kóbeıgen.
«Báıterek» Ulttyq qorǵa 23,5 mlrd teńgeni merziminen buryn qaıtardy
Azamattar Ulttyq qordan túsken qarajatyn qalaı jumsap jatyr?«Ulttyq qor – balalarǵa» baǵdarlamasy qolǵa alynǵan eki jyl ishinde azamattar 28 mln dollardan astam qarajatty paıdalanǵan.
Bul rette ata-analar memleket tarapynan berilgen múmkindikti negizinen baspana máselesin sheshý men balalarynyń bilim alýyna baǵyttaǵan.
Igerilgen qarjynyń basym bóligi, atap aıtqanda, 18 mln dollar turǵyn úı jaǵdaıyn jaqsartýǵa, al qalǵan 10 mln dollar bilim aqysyn tóleýge jumsalǵan.