Qostanaıda 2026 jyldyń alǵashqy UBT-sy aıaqtaldy. Ulttyq testileý ortalyǵynyń Qostanaı qalasyndaǵy fılıalynyń basshysy Nurgeldi Hasenovtyń aıtýynsha, talapkerlerdiń 39%-y qazaq tilinde, 61%-y orys tilinde jáne 1 adam aǵylshyn tilinde test tapsyrǵan, dep habarlaıdy Egemen.kz.
«Test qorytyndysy boıynsha talapkerlerdiń 74%-y shekti ball jınady. Bes pándi qosqanda ortasha upaı 65 baldy qurady. Eń joǵary nátıje – 133 ball. UBT-ǵa erekshe bilim berý qajettiligi 14 talapker qatysqanyn aıta ketken jón. Testileý barysynda 6 ereje buzýshylyq anyqtaldy. 5 talapker smartfon, shpargalka jáne basqa da tyıym salynǵan zattardy alyp kirmek bolǵany úshin testileýden shettetildi. Taǵy 1 adam testileý kezinde ereje buzǵany úshin aýdıtorııadan shyǵarylyp, test nátıjesi joıyldy», deıdi fılıal basshysy.
Qańtardaǵy UBT: Testileý erejesin buzǵan 120 adamnyń nátıjesi joıyldy
Bıyl UBT aıaqtalǵannan keıin 31 qazanǵa deıin test tapsyrý kezinde túsirilgen beınejazbalarǵa taldaý júrgiziledi. Tyıym salynǵan zattardy paıdalaný nemese erejelerdi buzý derekteri anyqtalǵan jaǵdaıda talapkerdiń UBT nátıjesi joıylady.
Naýryz aıyndaǵy UBT-ǵa qatysý úshin ótinish qabyldaý 15 aqpanda bastalady