Jambyl oblysynda prokýrorlar eńbek jáne zeınetaqy zańnamasynyń saqtalýyna júrgizilgen tekserý barysynda 2 515 azamattyń quqyqtarynyń buzylǵanyn anyqtady. Qadaǵalaý aktileriniń nátıjesinde jalpy somasy 300 mln teńge zeınetaqy jarnalary tolyq ótelip, qyzmetkerlerdiń quqyqtary qalpyna keltirildi, dep jazady Egemen.kz.
Taraz qalasynyń prokýratýrasy eńbek jáne zeınetaqy zańnamasynyń talaptary saqtalmaǵan birneshe derekti áshkerelegen.
Atap aıtqanda, 2025 jyldyń tamyzy men jeltoqsany aralyǵynda «Jasyl El Taraz» JShS-niń 650 qyzmetkerine tıesili 20 mln teńgeden astam mindetti zeınetaqy jarnalary Biryńǵaı jınaqtaýshy zeınetaqy qoryna aýdarylmaǵan.
Prokýrorlardyń qadaǵalaý aktisi engizilgennen keıin zań buzýshylyq joıylyp, qyzmetkerlerdiń mindetti zeınetaqy jarnalary tolyq kólemde qorǵa aýdaryldy. Osylaısha olardyń konstıtýsııalyq quqyqtary qorǵaldy.
Zeınetaqy qoryndaǵy aqsha: bes jylǵy tájirıbeden ne uqtyq?
Mundaı zań buzýshylyqtar Taraz qalasynyń bilim bólimine qarasty memlekettik mektepke deıingi uıymdarda eńbek etken 1 895 qyzmetkerge qatysty da anyqtalǵan. Tekserý barysynda qyzmetkerlerdiń 283 mln teńge kólemindegi zeınetaqy jarnalary tólenbegeni belgili boldy.
Prokýrorlyq qadaǵalaý aktisiniń negizinde jalpy somasy 300 mln teńge zeınetaqy jarnalary tolyq ótelip, barlyq qyzmetkerlerdiń quqyqtary qalpyna keltirildi.
Zań talaptaryn buzǵan kináli tulǵalar ákimshilik jaýapkershilikke tartyldy.
1 qańtardan bastap zeınetaqy jarnasy júıesinde qandaı ózgeris bolady?