Elimizdiń taý-ken salasyna sheteldik ınvestısııa tartý baǵytynda jańa qadam jasaldy. О́nerkásip jáne qurylys mınıstri Ersaıyn Naǵaspaev amerıkalyq Cove Kaz Capital Group LLC kompanııasynyń bas dırektory Domınık Hıtonmen kezdesip, Qaraǵandy oblysyndaǵy iri ken oryndaryn birlesip ıgerý máselesin talqylady, dep jazady Egemen.kz.
Kelissózderge «Taý-Ken Samuryq «UTK» AQ basqarma tóraǵasy Narıman Absametov te qatysty. Taraptar taý-ken ónerkásibindegi ekijaqty yntymaqtastyqtyń qazirgi jaı-kúıin jáne aldaǵy damý múmkindikterin saralady. Ásirese Qazaqstan men AQSh arasyndaǵy ekonomıkalyq seriktestiktiń strategııalyq mańyzy men amerıkalyq kompanııalardyń el ekonomıkasyna qosyp otyrǵan úlesi atap ótildi.
Taý-ken isiniń táýekeli
Kezdesý barysynda birlesken ınvestısııalyq jobalardy iske asyrý máselesine erekshe nazar aýdaryldy. Mınıstr Ersaıyn Naǵaspaev Qazaqstan taý-ken salasyn damytýda sheteldik seriktestermen tıimdi yntymaqtastyqty keńeıtýge jáne jańa bastamalardy júzege asyrýǵa múddeli ekenin jetkizdi.
Eske sala keteıik, 2025 jyldyń qarashasynda «Taý-Ken Samuryq» ulttyq taý-ken kompanııasy men amerıkalyq Cove Capital Qaraǵandy oblysyndaǵy Soltústik Qatpar jáne Joǵarǵy Qaıraqty ken oryndaryn birlesip ıgerý týraly kelisimge qol qoıǵan. Bul ken oryndary álemdegi eń iri qorlardyń qataryna jatady.
Taý-ken isiniń damýyna ne kedergi?
Kelisimge sáıkes ınvestor eki baıytý fabrıkasy men bir metallýrgııalyq zaýyt salýǵa 1,1 mlrd AQSh dollary kóleminde ınvestısııa quıady. Joba tolyq iske qosylǵan kezde myńǵa jýyq jańa jumys orny ashylady. Onda qazaqstandyq mamandardy jumysqa qabyldaýǵa basymdyq beriledi.
Qaraǵandydaǵy taý-ken kásipornyna 4 mln teńge aıyppul salyndy
Qujattaǵy mańyzdy talaptardyń biri – óndirilgen shıkizat pen jartylaı daıyn ónimdi shetelge tikeleı shyǵarýǵa tyıym salý. Iаǵnı joba tolyq tereń óńdeý qaǵıdatyna negizdelip, daıyn ónimdi el ishinde óndirýge baǵyttalady.