Basty ustanym – ulttyq zańnama men halyqaralyq norma

Máýlen Áshimbaev TúrkPA mıs­sııa­synyń múshelerine iltıpat bildirip, olardyń monıtorıngi Qazaqstandaǵy demokratııalyq ınstıtýttardyń damýyna jáne qoǵamdaǵy senimniń nyǵaıýyna yqpal etetinin atap ótti. Sondaı-aq ol bul tájirıbe ótip jatqan úderisterdiń ashyqtyǵy men obektıvti baǵalanýyna qosymsha múmkindik beretinin aıtty.

Suhbat barysynda Senat tóraǵasy Qazaqstannyń Taıaý Shyǵystaǵy qaqtyǵysty halyqaralyq quqyq jáne Birikken Ulttar Uıymynyń Jarǵysy aıasynda dıplomatııalyq jolmen beıbit retteýdi qoldaıty­nyna  erekshe nazar aýdardy.

О́z kezeginde delegasııa basshysy Osman Mesten mıssııanyń obektıvtilik qaǵıdattaryna berik ekenin atap ótti. Ol referendýmnyń eldiń ulttyq zańnamasyna jáne halyqaralyq normalarǵa saı ta­bys­­ty ótýine tilektestik bildirdi.

Sondaı-aq Máýlen Áshimbaev Qazaqstanǵa jańa Konstıtýsııaǵa baıla­nysty referendýmǵa halyq­aralyq baıqaýshy retinde kelgen Táýel­siz Memleketter Dostastyǵy Parla­mentaralyq Assambleıasynyń ókilderimen kezdesti.

Kezdesýde Palata spıkeri TMD PAA ókilderine jańa Ata zań joba­synyń negizgi erejeleri týraly jan-jaqty aıtyp berdi. Sonyń aıasyn­da eldiń aldaǵy damý baǵdary, onyń ishinde adam kapıtalyn damytý, mem­lekettilikti nyǵaıtý, Táýelsizdik pen egemendikti kúsheıtý jáne ishki saıa­sı turaqtylyq pen qoǵamdyq ke­li­simdi saqtaý máseleleri sóz boldy.

О́z kezeginde halyqaralyq baıqaý­shylar Qazaqstanda referendým­dy ulttyq zańnamaǵa jáne halyqaralyq tájirıbege sáıkes joǵary deńgeıde uıymdastyrýdyń mańyzyn atap ótti. Sondaı-aq olar referendýmǵa monıtorıng júrgizý jónindegi josparlary týraly aıtyp berdi.

Senat tóraǵasy Ujymdyq qaýipsizdik týraly shart uıymynyń Parlamenttik Assambleıasy ókil­derimen de kezdesti. Olar Qazaq­stanǵa Konstıtýsııaǵa baılanys­ty referendýmǵa halyqaralyq baıqaýshy retinde kelgen.

Máýlen Áshimbaev UQShU PA delegasııasyn Uıymnyń 20 jyl­dy­ǵymen quttyqtap, osy alań aıasynda jú­zege asyrylyp jatqan kópjaqty yntymaqtastyqtyń mańyzyna toqtaldy. Ol Qazaqstan Ujymdyq qaýipsizdik týraly shart uıymyn ujymdyq qaýipsizdikti qamtamasyz etýde mańyzdy ról at­qaratyn qurylym retinde qaras­tyratynyn atap ótti.

Sonymen qatar Senat tóraǵasy jahandyq turaqsyzdyq kúsheıip, halyqaralyq ahýal shıelenise túsken qazirgi jaǵdaıda zamanaýı syn-qaterlerdi naqty baǵalap, qubylmaly álemniń talaptaryn eskere otyryp, memlekettik basqarý men damý júıesin qalyptastyrý aıryqsha mańyzdy ekenin aıtty.

О́z kezeginde halyqaralyq baı­qaýshylar Qazaqstanda júr­gizilip jatqan reformalarǵa oń baǵa berdi. Sonymen qatar olar referendýmdy Qazaqstan zańnamasyna jáne halyqaralyq tájirıbege sáıkes uıymdastyrýdyń mańyzyn atap ótti.