Atyraý oblysynyń Aýmaqtyq referendým komıssııasynyń tóraǵasy Ásııa Qystaýbaeva óńirdegi daýys berý barysy týraly baıandady. Onyń aıtýynsha, referendýmdy ótkizýge 285 komıssııa qatysyp otyr, olardyń quramynda 2 091 adam bar. Onyń ishinde 9 komıssııa – aýmaqtyq, 276-sy – ýchaskelik komıssııalar, dep habarlaıdy Egemen.kz.
«Referendýmnyń barlyq 276 ýchaskesi ashyldy. Qoldanystaǵy zańnamaǵa sáıkes ýchaskelik referendým komıssııalary tańǵy saǵat 6:00-de óz jumysyna kiristi, dedi Atyraý oblysynyń Aýmaqtyq referendým komıssııasynyń tóraǵasy.
Jalpy, daýys berý tańǵy saǵat 7:00-de bastaldy. Atyraý oblysynyń Aýmaqtyq referendým komıssııasynyń sheshimimen áskerı bólimde qurylǵan №75 ýchaskede daýys berý tańǵy saǵat 6:00-de bastaldy.
Búgin elordada «Referendým-2026» onlaın marafony ótedi
Oblys boıynsha referendýmǵa qatysý quqyǵy bar azamattardyń tizimine 416 619 adam engizilgen, olardyń 4 699 múgedektigi bar turǵyndar.
«Daýys berý oryndarynda múgedektigi bar adamdar úshin barlyq jaǵdaı jasalǵan. Búgin qajettilikke qaraı 137 ınvataksı qyzmet kórsetedi, 27 sýrdoaýdarmashy jumys isteıdi. Barlyq ýchaskeler arnaıy buryshtarmen jáne daýys berýge arnalǵan kabınalarmen jabdyqtalǵan. Ýchaskelerde jańa Konstıtýsııa jobasynyń mátini jazylǵan plakattar, mátinniń memlekettik jáne orys tilderindegi aýdıonusqalary ornalastyrylǵan. Sonymen qatar, Braıl qarpimen jazylǵan bıýlleten trafareti, qosymsha jaryq shamy, qulaqqap, úlkeıtkish áınek, bıýlletendi toltyrý boıynsha aýdıonusqaýlyq bar. Búgin Jas saılaýshylar klýbtarynyń músheleri eriktilermen birge qart adamdar men múgedektigi bar azamattarǵa kómek kórsetip, olardy daýys berý oryndaryna deıin alyp barady», dedi Á.Qystaýbaeva.
Qazaqstanda jańa Konstıtýsııa jobasy boıynsha daýys berý bastaldy
Atyraý oblysynda daýys berý barysyn baqylaý úshin 17 qoǵamdyq birlestik pen úkimettik emes uıym, al respýblıkalyq deńgeıde 11 uıym akkredıttelgen. Daýys berý bastalǵan sátte ýchaskelerde 285 baqylaýshy óz jumysyna kiristi.
«Búgin oblys boıynsha 210 referendým ýchaskesinde azamattardy izdestirýge arnalǵan servıstik qyzmetterdiń jumysy uıymdastyrylǵan. Onyń 121-i Atyraý qalasynda ornalasqan. Eger azamat ýchaskedegi tizimnen tabylmasa, servıstik qyzmet arqyly arnaıy daıyndyqtan ótken komıssııa músheleri onyń qaı ýchaskede tirkelgenin anyqtaýǵa kómektesedi», dedi Á.Qystaýbaeva.
Daýys berý kúnine deıin oblys boıynsha azamattardyń turǵylyqty mekenjaılaryna daýys berý kúni, ýaqyty men orny kórsetilgen 400 myńnan astam jeke shaqyrý hattary jetkizildi. Ekinshi deńgeıli bankter PUSH-habarlamalar jiberse, baılanys operatorlary SMS shaqyrý joldady.
Almatyda saılaýshylarǵa fotoaımaq uıymdastyryldy
Jalpy barlyq ýchaskelerdegi daýys berý oryndarynda saılaýshylarǵa, baqylaýshylarǵa jáne buqaralyq aqparat quraldarynyń ókilderine qajetti jaǵdaı jasalǵan. Daýys berý jalǵasyp jatyr.