Búgin jańa Konstıtýsııany qabyldaý jónindegi jalpyulttyq referendým barysyna júrgizilgen qoǵamdyq baqylaý jumysynyń qorytyndysyna arnalǵan baspasóz máslıhaty ótti. «AMANAT» partııasynyń ókilderi tutas el aýmaǵynda júrgizilgen aýqymdy monıtorıng derekterine súıene otyryp, daýys berý barysyna jan-jaqty taldaý jasady. Referendým kúni partııa 22 myńǵa jýyq baıqaýshynyń jumysyn uıymdastyrdy. Olar elimizdiń barlyq óńirindegi saılaý ýchaskelerinde rásimniń ashyqtyǵyn qamtamasyz etip, qoldanystaǵy zań normalarynyń qatań saqtalýyn qadaǵalady, dep habarlaıdy Egemen.kz.
Baspasóz konferensııasynda «AMANAT» partııasy Saıası jumys departamenti dırektorynyń orynbasary, partııa baıqaýshylarynyń jumysyn úılestirýshi Gúlnár Nurahmethanova jáne partııanyń Saıası jumys departamentiniń qyzmetkeri Arǵyn Temirjanov sóz sóıledi.
«Bul referendým azamattardyń el bolashaǵyna qatysty óz pikirin bildirýge múmkindik bergen mańyzdy qadam boldy. Baqylaý nátıjeleri daýys berý prosesiniń ashyq jáne zań talaptaryna saı ótkenin kórsetti. Bizdiń baıqaýshylar jelisi el tarıhyndaǵy eń iri qoǵamdyq baqylaý qurylymdarynyń birine aınaldy» dedi Gúlnár Nurahmethanova.
Spıkerdiń aıtýynsha, saıası naýqan bastalǵanǵa deıin barlyq baıqaýshylar arnaıy oqytý kýrstarynan ótip, tıisti daıyndyqtan ótken.
«Referendým aldynda barlyq baıqaýshylar arnaıy oqytý kýrstarynan ótkenine erekshe nazar aýdaryldy. Naqtyraq aıtqanda, 2-13 naýryz aralyǵynda onlaın jáne oflaın semınarlar uıymdastyryldy, baıqaýshylardyń quqyqtary men mindetteri, saılaý zańnamasy men baqylaý júrgizý tártibi jan-jaqty oqytyldy, Daýys berý rásimderiniń ashyqtyǵyn qamtamasyz etý máseleleri talqylandy», dedi ol.
Táýelsiz baqylaýshylar: Bıýlletenderdi sýretke túsirip, ınternetke jarııalaǵandar boldy
Baspasóz máslıhaty barysynda referendým kúni elimizdiń kóp óńirinde tynyshtyq pen ashyqtyq saqtalǵany atap ótildi. О́z tańdaýyn jasaý úshin ýchaskelerge kelgen azamattardyń joǵary belsendiligi baıqaldy. Baıqaýshylar oń áleýmettik ahýaldy atap ótti: otbasylar, ártúrli býyn ókilderi, sportshylar jáne alǵash ret daýys berip otyrǵan jastar daýys berý ýchaskelerine kóptep keldi.
О́z kezeginde, partııa ókili Arǵyn Temirjanov mańyzdy qoǵamdyq-saıası oqıǵa barysy jóninde pikir bildirdi.
«Baıqaýshylarymyz el aýmaǵyndaǵy barlyq ýchaskede jumys istedi. Jalpy alǵanda daýys berý barysy tynysh, uıymdasqan jáne ashyq jaǵdaıda ótti. Tań mezgilinen bastap-aq azamattardyń joǵary belsendiligin baıqadyq. Ýchaskelerge otbasymen birge kelgen adamdar kóp boldy. Bul rette, jastar da belsendi qatysty. Olardyń arasynda alǵash ret daýys bergender de bar. Bul qoǵamnyń joǵary azamattyq jaýapkershiligin jáne el bolashaǵyna degen qyzyǵýshylyǵyn kórsetedi», dedi ol.
Monıtorıng barysynda jekelegen ýchaskelerde tehnıkalyq nemese rásimdik sıpattaǵy bolmashy eskertýler tirkelgenimen, onyń barlyǵy zańda belgilengen tártippen ýchaskelik komıssııalar tarapynan jedel túrde sheshildi.
Jalpy alǵanda, «AMANAT» partııasy baıqaýshylarynyń baǵalaýynsha, daýys berý barysy zań talaptaryna tolyq sáıkes kelip, júıeli uıymdastyrylǵan ári ashyq ótti. Turǵyndardyń rekordtyq deńgeıde qatysýy qoǵamnyń strategııalyq memlekettik mindetterdi sheshý isine atsalysýǵa daıyn ekenin kórsetti. Is-shara sońynda partııa ókilderi baqylaý mıssııasyna qatysqan barlyq baıqaýshyǵa, komıssııa múshelerine jáne óz konstıtýsııalyq boryshyn oryndaǵan azamattarǵa shynaıy alǵysyn bildirdi.
Túrkııa Joǵary saılaý keńesiniń tóraǵasy Qazaqstandaǵy referendýmǵa oń baǵa berdi
Buǵan deıin Qazaqstan Respýblıkasynyń Ortalyq referendým komıssııasy el aýmaǵyndaǵy respýblıkalyq ýchaskelerdegi daýys berýdiń aldyn ala nátıjelerin jarııalaǵan bolatyn. Komıssııa derekterine sáıkes, daýys berýge qatysý deńgeıi 73,12 paıyzdy qurady. Bas-aıaǵy daýys berýge 9 127 192 adam qatysty.
Aldyn ala málimetterge sáıkes, usynylǵan ózgeristerdi qabyldaýdy 7 954 667 adam, ıaǵnı daýys berýge qatysqandardyń 87,15 paıyzy qoldap daýys berdi. Al 898 099 azamat qarsy daýys berdi. 146 558 bıýlleten jaramsyz dep tanyldy.
Reseı OSK ókili: Qazaqstandaǵy referendým zań talaptaryna saı ótti