Senatta ótken brıfıng barysynda jýrnalıster moratorıı aıaqtalǵannan keıingi bir aptada janarmaı baǵasynyń qanshalyqty ózgergenin surady. Energetıka vıse-mınıstri Sanjar Jarkeshovtiń aıtýynsha, janar-jaǵarmaı baǵasy qazirgi ýaqytta naryqtyq tetikpen qalyptasady jáne memleket tarapynan tikeleı rettelmeıdi, dep habarlaıdy Egemen.kz.
Vıse-mınıstrdiń aıtýynsha eldiń ishki naryǵynda janarmaı tapshylyǵy joq.
«Baǵa suranys pen usynysqa baılanysty qalyptasady. Qazirgi kezde naryqta baǵada aıtarlyqtaı ózgeris joq. Eń bastysy – elde tapshylyq joq. Búginde shamamen 600 myń tonna benzın jáne 600 myń tonna dızel otyny qory bar», dedi ol.
Mańǵystaýda janarmaı quıý beketinde jarylys boldy: Jumysshy zardap shekti
Onyń aıtýynsha, jetkilikti qordyń bolýy ishki naryqta baǵanyń negizsiz ósýine sebep joq ekenin kórsetedi.
«Quzyrly organdar jaǵdaıdy turaqty baqylaýda ustap otyr. Sondyqtan benzın men dızel baǵasynyń negizsiz ári kúrt qymbattaýyna jol berilmeıdi», dedi Sanjar Jarkeshov.
Aıta keteıik, ótken jyldyń 16 qazanynan bastap ınflıasııa turaqtanǵanǵa deıin AI-92 markaly benzın men dızel otynynyń baǵasyn kóterýge moratorıı engizilgen bolatyn. Osy ýaqyt aralyǵynda Energetıka mınıstrligi tıisti organdarmen birlesip, naryqty turaqty baqylaýda ustady.
Janarmaı naryǵynyń bolashaǵy: Sarapshylar baǵa qalyptastyrýdyń syn-qaterlerin talqylady
Atalǵan moratorıı 1 sáýirde óz kúshin joıdy.